२०२२ हे वर्ष संपण्यासाठी आता जवळपास एकच महिना शिल्लक राहिला आहे. ज्योतिष शास्त्रानुसार, येणाऱ्या महिन्यात तीन ग्रह आपली रास बदलणार आहेत. डिसेंबर महिन्याच्या सुरुवातीलाच म्हणजे ३ तारखेला बुध ग्रह धनु राशीत प्रवेश करेल. यानंतर ५ डिसेंबरला शुक्र आणि १६ डिसेंबरला ग्रहांचा राजा सूर्य धनु राशीत संक्रमण करतील. अशाप्रकारे डिसेंबर महिन्यात धनु राशीमध्ये बुध, शुक्र आणि सूर्याची युती होईल.
दरम्यान, २७ डिसेंबरला बुध वृषभ राशीत प्रवेश करेल आणि २९ डिसेंबरला तो मकर राशीत संक्रमण करेल. याच दिवशी शुक्रही मकर राशीत प्रवेश करेल. डिसेंबर महिन्यातील या तीन ग्रहांच्या राशी परिवर्तनाचा प्रभाव सर्वच राशींवर पडणार आहे. मात्र तीन राशींसाठी हे राशी परिवर्तन लाभदायी सिद्ध होण्याची शक्यता आहे. या राशी कोणत्या आहेत ते जाणून घेऊया.
- मिथुन
या तीन ग्रहांच्या राशी परिवर्तनामुळे डिसेंबरचा महिना मिथुन राशींसाठी फायदेशीर ठरू शकतो. या काळात त्यांनी केलेल्या मेहनतीचे चीज होईल. ग्रहांच्या शुभ प्रभावामुळे उत्पन्नाच्या स्रोतांमध्ये वाढ होण्याची संभावना आहे. या दिवसांमध्ये मालमत्तेशी निगडित कामे मार्गी लागण्याची शक्यता आहे. त्याचप्रमाणे ग्रहांच्या या राशी बदलामुळे कुटुंबातील नातेसंबंध सुधारू शकतात. या काळात तुम्ही शारीरिक आणि मानसिकरित्या स्वस्थ राहण्याची चिन्हे आहेत.
- वृश्चिक
डिसेंबर महिन्यातील तीन ग्रहांचे राशी परिवर्तन वृश्चिक राशीच्या लोकांसाठी शुभ सिद्ध होऊ शकते. या काळात मालमत्तेशी संबंधित व्यवहारांमध्ये लाभ होण्याची शक्यता आहे. वाहन खरेदीसाठी इच्छुक असणाऱ्यांसाठी हा काळ शुभ असण्याचे संकेत आहेत. रखडलेली कामे पूर्ण होऊ शकतात. कुटुंबामधील वातावरण चांगले राहण्याची संभावना आहे. महिन्याच्या अखेरीस आनंद साजरा करण्यासाठी अनेक कारणे मिळण्याची शक्यता आहे.
- मकर
तीन ग्रहांच्या प्रभावामुळे डिसेंबरसह येणाऱ्या वर्षातील सुरुवातीचा काही काळ या राशीच्या लोकांसाठी अनुकूल ठरू शकतो. कार्यालयात वरिष्ठ आणि सहकाऱ्यांबरोबरचे संबंध चांगले होतील. तसेच या काळात कुटुंबीय आणि नातेवाईकांची मदत मिळण्याची शक्यता आहे. आईवडिलांच्या सहकार्यामुळे प्रलंबित कामे पूर्ण होऊ शकतात. मात्र काही गोष्टींबाबत मानसिक तणाव जाणवण्याची शक्यता आहे.
(येथे देण्यात आलेली माहिती गृहीतके आणि सामान्य माहितीवर आधारित आहे.)
