News Flash

गणेश विसर्जनाच्या दिवशी मारहाण; एकाचा मृत्यू, दोघांवर मुंबईत उपचार

गणेश विसर्जनाच्या दिवशी मारहाण केलेल्या तिघांपकी एकाचा उपचारदरम्यान सोलापूर येथे मृत्यू झाला, तर अन्य दोघांना पुढील उपचारासाठी मुंबईला हलविण्यात आले.

गणेश विसर्जनाच्या दिवशी मारहाण केलेल्या तिघांपकी एकाचा उपचारदरम्यान सोलापूर येथे मृत्यू झाला, तर अन्य दोघांना पुढील उपचारासाठी मुंबईला हलविण्यात आले. पोलिसांनी केज शहरातील सहाजणांविरुद्ध खुनाचा गुन्हा दाखल करून एकाला अटक केली. बीअरबार उघडून दारू देण्याच्या कारणावरून मारहाणीचा प्रकार घडला.
केज शहरात रविवारी गणेश विसर्जन सर्वत्र शांततेत सुरू असताना हॉटेल बंद असल्यामुळे कळंब रस्त्यावरील संतोष श्रीधर इंगळे यांच्या वैष्णवी हॉटेलसमोर संतोषसह राजाभाऊ गोडसे व विकास दत्तात्रय गुंड हे तिघे बसले होते. या वेळी मिरवणुकीतील काहीजण हॉटेलसमोर आले व त्यांनी हॉटेल उघडून दारू देण्यासाठी दमबाजी सुरू केली. सुरुवातीला बाचाबाची व नंतर हाणामारी झाली. या वेळी सहाजणांनी मिळून तिघांना गजाने व टॉमीने मारहाण केली. यात जखमी झालेल्या तिघांना सोलापूरच्या रुग्णालयात हलविण्यात आले. जखमी विकास गुंड याचा उपचार सुरू असताना गुरुवारी मृत्यू झाला, तर अन्य दोघांना अधिक उपचारासाठी मुंबईला हलविण्यात आले. या प्रकरणी केज पोलिसांत सहाजणांविरुद्ध गुन्हा दाखल करण्यात आला. एकास पोलिसांनी अटक केल्याचेही सूत्रांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 2, 2015 1:30 am

Web Title: one dies in beating in ganesh immersion rally
टॅग : Beating,Rally
Next Stories
1 औरंगाबादचे पहिले पाच संघ जाहीर ; विभागीय अंतिम फेरी ६ ऑक्टोबरला
2 ‘सनातनच्या आश्रमांवर छापे टाकून आठवलेंना अटक करा’
3 शेतकरी संघटनेची मराठवाडा दुष्काळी परिषद
Just Now!
X