Maruti Suzuki Car: मारुती सुझुकीच्या परवडणाऱ्या 7 सीटर MPV Ertiga ने लोकांच्या हृदयात स्थान निर्माण केले आहे आणि यामुळे दर महिन्याला हजारो युनिट्स विकल्या जातात. Ertiga CNG ऑप्शनमध्ये देखील उपलब्ध आहे. तुम्हीही मारुती एर्टिगा खरेदी करण्याचा विचार करत असाल आणि फायनान्स पर्याय शोधत असाल, तर तुमच्यासाठी ही संधी आहे. तुम्ही Ertiga CNG चे ZXI प्रकार फक्त १.५ लाख रुपयाच्या डाउनपेमेंट करून घरी घेऊन जाऊ शकता. आज आम्ही तुम्हाला मारुती सुझुकी एर्टिगा ZXI CNG फायनान्स प्लॅनवरील सोपी माहिती देणार आहोत. मारुती सुझुकी एर्टिगा ZXI CNG किंमत Maruti Suzuki Ertiga ZXI CNG ची एक्स-शोरूम किंमत ११.५४ लाख रुपये आहे आणि ऑन-रोड किंमत १३,३६,१६५ रुपये आहे. MPV १४६४ सीसी इंजिनद्वारे समर्थित आहे, जे फॅक्टरी फिट सीएनजी किटसह येते. मॅन्युअल ट्रान्समिशनसह आलेल्या या MPV चे मायलेज २६.११ किमी/किलो आहे. (हे ही वाचा : संधी सोडू नका! Mahindra Thar अर्ध्यापेक्षा कमी किमतीमध्ये खरेदी करा, जाणून घ्या सविस्तर ) मारुती सुझुकी एर्टिगा ZXI CNG फायनान्स प्लॅन जर तुम्ही मारुती सुझुकी एर्टिगा ZXI CNG ला १.५ लाख रुपयांचे डाउनपेमेंट केल्यानंतर फायनान्स केले तर तुम्हाला ११,८६,१६५ रुपये कर्ज घ्यावे लागेल. जर कर्जाचा कालावधी ५ वर्षांपर्यंत असेल आणि व्याज दर ९ टक्के असेल, तर पुढील ६० महिन्यांसाठी तुम्हाला मासिक हप्ता म्हणून २४,६२३ रुपये भरावे लागतील. वरील अटींनुसार कर्ज घेऊन Maruti Ertiga ZXI CNG खरेदी केल्यास सुमारे ३ लाख रुपये व्याज लागेल. येथे नमूद करणे महत्त्वाचे आहे की मारुती एर्टिगा ZXI CNG ला वित्तपुरवठा करण्यापूर्वी, तुम्ही मारुती सुझुकी डीलरशिपवर कार फायनान्स तपशील तपासणे आवश्यक आहे.
