वाहन प्रेमींसाठी जून महिना अतिशय रोमांचक असणार आहे. कारण या महिन्यात ४ बहुप्रतिक्षित एसयूव्ही सह अनेक नवीन कार लाँच होणार आहेत. जून २०२२ मध्ये लाँच होणाऱ्या आगामी नवीन कारबद्दल आणि त्यांच्या फीचर्सबद्दल जाणून घेऊयात. फोक्सवॅगन व्हर्चस (VOLKSWAGEN VIRTUS) फोक्सवॅगन इंडियाने पुष्टी केली आहे की ते ९ जून २०२२ रोजी त्यांच्या नवीन मध्यम आकाराच्या सेडान वर्टूस च्या किमती जाहीर करतील. मॉडेल लाइनअप दोन ट्रिम्समध्ये ऑफर करेल ते म्हणेज डायनॅमिक लाइन आणि जीटी लाइन आणि १.०एल टीएसआय पेट्रोल आणि १.५ एल टीएसआय पेट्रोल इंजिनमध्ये ऑफर केली जाईल. दोन्ही मोटर्स तीन गिअरबॉक्सेस ६ स्पीड मॅन्युअल, ६ स्पीड ऑटोमॅटिक आणि ७ स्पीड डीयेसजीसह उपलब्ध असतील. MQB-A0-IN प्लॅटफॉर्मवर सर्व-नवीन फोक्सवॅगन वर्टूस असं डिझाइन केलं गेलं आहे जे विशेषतः भारतासारख्या उदयोन्मुख बाजारपेठांसाठी आहे. हे मॉडेल ८ स्पीकर ऑडिओ सिस्टम, वायरलेस स्मार्टफोन कनेक्टिव्हिटीसह १०इंच इन्फोटेनमेंट सिस्टम, हवेशीर फ्रंट सीट्स, इलेक्ट्रिक सनरूफ आणि बरेच काही यासारख्या फीचर्सने परिपूर्ण आहे. नवीन हुंडई वेन्यू ( new Hyundai venue) नवीन हुंडई वेन्यू फेसलिफ्ट १६ जूनला शोरूममध्ये दाखल होण्यासाठी सज्ज आहे . एसयूव्हीच्या अपडेटेड मॉडेलमध्ये हुंडईच्या सेन्स्युअस स्पोर्टिनेस डिझाइन लँग्वेजसह किरकोळ कॉस्मेटिक अपडेट्स आहेत ज्यात विस्तृत स्टॅन्स, गडद क्रोमसह नवीन ग्रिल आणि कनेक्टिंग एलईडी टेललॅम्प आहेत. नवीन हुंडई वेन्यू मोठ्या टचस्क्रीन इंफोटेनमेंट सिस्टम, बोस ऑडिओ सिस्टम, ३६० डिग्री कॅमेरा, फ्रंट पार्किंग सेन्सर्स आणि हवेशीर फ्रंट सीट्ससह येण्याची शक्यता आहे. सबकॉम्पॅक्ट एसयूव्ही १.२ टीएसआय पेट्रोल आणि १.० टर्बो पेट्रोलसह १.५ लिटर डिझेल इंजिनसह उपलब्ध असेल. ट्रान्समिशन पर्यायांमध्ये ५ स्पीड मॅन्युअल, ६ स्पीड मॅन्युअल, ६ स्पीड आयएमटी आणि ७ स्पीड डीसीटी ऑटोमॅटिक समाविष्ट असेल. महिंद्रा स्कॉर्पिओ-एन (MAHINDRA SCORPIO-N) नवीन महिंद्रा स्कॉर्पिओ-एन एसयूव्हीच्या किंमती २७ जून २०२२ रोजी जाहीर होणार आहेत. हे नवीन मॉडेल महिंद्रा एसयूव्ही ७०० सारखे प्रीमियम असेल आणि त्याचे इंजिन आणि फीचर्स त्यासोबत शेअर केली जातील. पॉवरसाठी, नवीन स्कॉर्पिओ-एन मध्ये २.० टीएसआय पेट्रोल आणि २.२ टर्बो डिझेल इंजिन उपलब्ध असेल. जे ६ स्पीड मॅन्युअल किंवा ६ स्पीड टॉर्क कन्व्हर्टर ऑटोमॅटिक गिअरबॉक्ससह असू शकतात. पेट्रोल आणि डिझेल दोन्ही इंजिन पर्यायी एडब्लूडी प्रणालीसह उपलब्ध असतील. नवीन स्कॉर्पिओ-एन ८-स्पीकर 3D Sony ऑडिओ सिस्टम, इलेक्ट्रिकली ऍडजस्टेबल फ्रंट सीट्स, ३६० डिग्री कॅमेरा, सनरूफ आणि बरेच काही ऑफर करेल. एसयूव्ही ७०० मध्ये पाहिल्याप्रमाणे एसयूव्ही देखील एडीएएस सूटसह सुसज्ज असू शकते. नवीन मारुती ब्रेझा ( NEW MARUTI BREZZA) नवीन मारुती ब्रेझ्झाची अधिकृत लॉन्च तारीख अद्याप जाहीर झालेली नाही. एका ताज्या मीडिया रिपोर्टमध्ये असा दावा करण्यात आला आहे की हे मॉडेल ३० जून २०२२ रोजी विक्रीसाठी जाईल . सध्याच्या मॉडेलच्या तुलनेत, नवीन २०२२ मारुती ब्रेझामध्ये अधिक फीचर्स आणि इंधन कार्यक्षमता असेल. एसयूव्ही नवीन ६ स्पीड टॉर्क कन्व्हर्टर ऑटोमॅटिक आणि ५ स्पीड मॅन्युअल गिअरबॉक्ससह अद्ययावत १.५ एल के १५सी ड्युअलजेट पेट्रोल इंजिनसह येईल.अहवालानुसार नवीन ब्रेझा ग्लोबल एनसीएपी क्रॅश चाचण्यांमध्ये सर्वोच्च सुरक्षा रेटिंग प्राप्त करण्यास सक्षम असेल.
