'या' कंपनीच्या कार्सनी लाखो लोकांना घातली भुरळ; Tata-Hyundai लाही टाकले मागे | Maruti Suzuki sold 1,33,027 passenger vehicles in the domestic market last month, recording a YoY growth of 8.4 percent

'या' कंपनीच्या कार्सनी लाखो लोकांना घातली भुरळ

'या' कंपनीच्या कार्सना बाजारात तुफान मागणी (Photo-financialexpress)

Car Sales in June 2023: जून महिन्यातील कार विक्रीचे आकडे समोर आले आहेत. यावेळीही मारुती सुझुकी देशातील सर्वात मोठी कार विकणारी कंपनी बनली आहे. मारुती सुझुकीच्या विक्रीत जून २०२३ मध्ये वार्षिक २ टक्के वाढ झाली आहे. प्रवासी वाहनांच्या देशांतर्गत विक्रीत मारुतीनंतर ह्युंदाई दुसऱ्या तर टाटा मोटर्स तिसऱ्या स्थानावर आहे. देशातील सर्वात मोठी कार निर्माता कंपनी मारुती सुझुकी इंडिया (MSI) ची घाऊक विक्री जूनमध्ये वार्षिक दोन टक्क्यांनी वाढून १,५९,४१८ युनिट्सवर गेली आहे. कंपनीने शनिवारी एका निवेदनात ही माहिती दिली.

कंपनीने जून २०२२ मध्ये १,५५,८५७ युनिट्सची घाऊक विक्री केली होती. कंपनीने सांगितले की, गेल्या महिन्यात प्रवासी वाहनांची देशांतर्गत विक्री आठ टक्क्यांनी वाढून १,३३,०२७ युनिट झाली आहे, जी गेल्या वर्षी याच महिन्यात १,२२,६८५ युनिट्स होती. अल्टो आणि एस-प्रेसो सारख्या छोट्या कारची विक्री गेल्या वर्षीच्या जूनमध्ये १४,४४२ युनिट्सवरून १४,०५४ युनिट्सवर कमी झाली. त्याचप्रमाणे, स्विफ्ट, सेलेरियो, इग्निस, बलेनो आणि डिझायर यांचा समावेश असलेल्या कॉम्पॅक्ट सेगमेंटमधील विक्री जून २०२२ मध्ये ७७,७४६ युनिट्सवरून १७ टक्क्यांनी घसरून ६४,४७१ युनिट्सवर आली आहे.

(हे ही वाचा : ५.७ लाखाच्या ‘या’ विदेशी कारसमोर सर्व पडल्या फेल, खरेदीसाठी हजारो ग्राहकांच्या रांगा, इतर कंपन्या पाहतच राहिल्या)

मध्यम आकाराच्या सेडान सियाझची विक्री गेल्या वर्षी जूनमध्ये १,५०७ युनिट्सवरून वाढून १,७४४ युनिट्सवर पोहोचली. ब्रेझा, ग्रँड विटारा आणि एर्टिगा सारख्या युटिलिटी वाहनांची विक्री जून २०२२ मध्ये १८,८६० युनिट्सवरून जून २०२३ मध्ये ४३,४०४ युनिट्सपर्यंत वाढेल. कंपनीने सांगितले की, जूनमध्ये त्यांची निर्यात घटून १९,७७० युनिट्सवर आली आहे, जी मागील वर्षी याच कालावधीत २३,८३३ युनिट्स होती.

This quiz is AI-generated and for edutainment purposes only.

टाटा आणि ह्युंदाईची विक्री

टाटा मोटर्सने एका निवेदनात म्हटले आहे की, त्यांच्या देशांतर्गत प्रवासी वाहनांची विक्री (इलेक्ट्रॉनिक वाहनांसह) पाच टक्क्यांच्या वाढीसह ४७,२३५ युनिट्स झाली आहे. ह्युंदाईने सांगितले की, “देशांतर्गत विक्री मे २०२२ मध्ये ४९,००१ युनिट्सच्या तुलनेत मे महिन्यात ५०,००१ युनिट्सवर वर्षभरात दोन टक्क्यांनी वाढली.”

First published on: 02-07-2023 at 10:22 IST

मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Maruti suzuki sold 133027 passenger vehicles in the domestic market june 2023 recording a yoy growth of 8 4 percent pdb

‘या’ कंपनीच्या कार्सना बाजारात तुफान मागणी, Tata-Hyundai लाही टाकले मागे, लाखो लोकांच्या खरेदीसाठी रांगा

'या' कंपनीच्या कार्सनी लाखो लोकांना घातली भुरळ

टाटा आणि ह्युंदाईची विक्री