scorecardresearch

Premium

Tata Motors Price Hike: टाटा मोटर्सच्या व्यावसायिक वाहनांच्या किमतीत १ जानेवारीपासून होणार वाढ!

टाटा मोटर्सने वाहनांच्या किमतीत वाढ करण्याची अधिकृत घोषणा केली आहे.

Tata Motors announces price increase of its commercial vehicles from January 2024
(फोटो सौजन्य:-संग्रहित छायाचित्र) टाटा मोटर्सच्या व्यावसायिक वाहनांच्या किमतीत १ जानेवारीपासून होणार वाढ!

टाटा मोटर्स ही देशातील लोकप्रिय वाहन उत्पादक कंपनी आहे. आपल्या ग्राहकांसाठी कंपनी नेहमीच नवनवीन मॉडेल्स लाँच करत असते. आता टाटा मोटर्सने वर्षाअखेरीस एक घोषणा केली आहे. भारतीय वाहन उत्पादक कंपनी टाटा मोटर्सने आपल्या व्यावसायिक वाहनांच्या किमतीत वाढ करण्याची अधिकृत घोषणा केली आहे. ही वाढ तीन टक्क्यांपर्यंत होणार आहे, असे टाटा कंपनीकडून सांगण्यात आले आहे. १ जानेवारी २०२४ पासून वाढीव किंमत लागू होईल. यामध्ये प्रवासी आणि इलेक्ट्रिक वाहनांचा समावेश असणार आहे. तसेच व्यावसायिक वाहनांच्या संपूर्ण रेंजसाठी हे लागू करण्यात येईल, असे कंपनीने सांगितले आहे. ही घोषणा आज १० डिसेंबर रोजी टाटा कंपनीकडून करण्यात आली आहे.

याआधी मारुती सुझुकी आणि ऑडीसारख्या कार कंपन्यांनीही नवीन वर्षापासून म्हणजेच १ जानेवारी २०२४ पासून त्यांच्या वाहनांच्या किमती वाढवण्याची घोषणा केली होती. तसेच आता देशातील आघाडीची वाहन उत्पादक कंपनी टाटा मोटर्सने पुढील वर्षी म्हणजेच १ जानेवारीपासून आपल्या वाहनांच्या किमतीत वाढ करण्याची अधिकृत घोषणा केली आहे.

There is a threat of disruption of electricity supply in the state due to the agitation of the contractual electricity workers
राज्यातील वीज पुरवठा विस्कळीत होण्याचा धोका!; कंत्राटी वीज कर्मचाऱ्यांचे आंदोलन तीव्र
Mumbai Municipal Corporation campaign for rabies vaccination of stray dogs
भटक्या श्वानांच्या रेबीज प्रतिबंधक लसीकरणासाठी मुंबई महानगरपालिकेचे अभियान
pune, Ola and Uber, AC taxi fares, raise, cab drivers, shutdown, threaten,
पुणे : जिल्हाधिकाऱ्यांच्या आदेशाला ओला, उबरकडून केराची टोपली! कॅबचालक बेमुदत बंदच्या तयारीत
pimpri chinchwad municipal corporation property tax defaulters
पिंपरी-चिंचवडमधील थकबाकीदारांच्या २८३ मालमत्ता जप्त, लिलावाची प्रक्रिया सुरू

हेही वाचा…Ertiga ची उडाली झोप, ‘ही’ सात सीटर कार घेण्यासाठी मोठी गर्दी; प्रचंड मागणी पाहून कंपनीला बंद करावं लागलं बुकिंग

टाटा कंपनी पुढील वर्षी जानेवारीपासून प्रवासी आणि व्यावसायिक वाहनांच्या किमती वाढवणार आहेत. उत्पादन खर्च वाढल्यामुळे वाहनांच्या किमतीत ही वाढ करण्यात आली असल्याचे कंपनीने म्हटले आहे. कंपनीने आपले मॉडेल आणि किमती वाढवण्यामागे अनेक कारणे दिली आहेत. महागाई आणि वस्तूंच्या किमतीत झालेल्या वाढीमुळे, काही दबावामुळे किमती वाढवण्याचा निर्णय कंपनीने घेतला आहे. तथापि, कंपनीने पुढे सांगितले की, आम्ही खर्च कमी करण्यासाठी शक्य ती सर्व पावले उचलत आहोत. मात्र, महागाईमुळे दर वाढवण्याचा निर्णय घेण्यात आला आहे. एकंदरीतच १ जानेवारी २०२४ पासून व्यावसायिक वाहनांच्या किमतीत वाढ करण्याची घोषणा केली आहे

Latest Comment
View All Comments
Post Comment

मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Tata motors announces price increase of its commercial vehicles from january 2024 asp

First published on: 10-12-2023 at 18:35 IST

संबंधित बातम्या

तुम्ही या बातम्या वाचल्या आहेत का? ×