scorecardresearch

Premium

TVS ची इलेक्ट्रिक टू-व्हीलर गाडीची पहिली झलक आली समोर, ‘या’ दिवशी होऊ शकते लॉन्च

सध्या भारतात इलेक्ट्रिक स्कूटर वापरण्याचे प्रमाण वाढले आहे.

TVS teases upcoming electric two-wheeler
टीव्हीएसची अपकमिंग इलेक्ट्रिक स्कूटर (Image Credit- TVS Motor Company/Youtube)

TVS ही एक लोकप्रिय टू-व्हिलर कंपनी आहे. आपल्या ग्राहकांसाठी कंपनी नवनवीन मॉडेल भारतीय बाजारपेठेमध्ये लॉन्च करतच असते. ज्यात नवनवीन फीचर्स आणि अपडेट्स ग्राहकांना कंपनी देत असते. या महिन्याच्या शेवटी TVS कंपनी आपले नवीन प्रॉडक्ट सादर करण्याची तयारी करत आहे. नवीन प्रॉडक्ट हे इलेक्ट्रिक टू-व्हीलर असू शकते. जे टीव्हीएसच्या Creon इलेक्ट्रिक स्कूटर या प्लॅटफॉर्मवर आधारित असण्याची अपेक्षा आहे. टीव्हीएस ने २०१८ च्या ऑटो एक्सपोमध्ये Creon या कन्सेप्ट व्हर्जनची आवृत्ती सादर केली. तामिळनाडूच्या कृष्णिगिरी जिल्ह्यातील हौसूरच्या बाईक निर्मात्या कंपनीने नुकतेच इंटरनेटवर आपल्या अपकमिंग मॉडेलचा टीझर लॉन्च केला.

२३ ऑगस्ट २०२३ रोजी दुबई येथे होणाऱ्या मीडिया इव्हेंटमध्ये पदार्पणाच्या काही आठवड्यांपूर्वी, TVS ने त्यांच्या आगामी इलेक्ट्रिक टू-व्हिलरचा टीझर सादर केला आहे. या टीझरमध्ये अपकमिंग ई-स्कूटरचे एप्रॉन (apron), हेडलाइट, इंडिकेटरसह फ्रंट फॅशियाचे डिझाइन दिसून येत आहे. तथापि, टिझरमध्ये हेडलाइट युनिट अस्पष्टपणे दिसत असले तरी असा अंदाज लावला जाऊ शकतो की , आगामी ई-टू-व्हीलर काही प्रमाणात क्रेऑन ई-स्कूटरच्या संकल्पना व्हर्जनशी मिळतीजुळती असेल. याबाबतचे वृत्त Financial Express ने दिले आहे.

Bharat Electronics Limited invited application for Trainee Engineer I 47 vacancies The job location is Mumbai
इंजिनीयर उमेदवारांनो ही संधी सोडू नका! भारत इलेक्ट्रॉनिक्स लिमिटेडमध्ये ‘या’ पदासाठी भरती; ४० हजारांपर्यंत मिळणार वेतन
Loksatta viva The ways of celebrating Valentine Day changed rapidly with time
जुनंच प्रेम, नवं सेलीब्रेशन
Budget 2024 rooftop solar and electric vehicle charging ecosystem supply and installation of these EV chargers
Budget 2024 : इलेक्ट्रिक वाहनांना अच्छे दिन; उत्पादन अन् चार्जिंग स्टेशनमध्ये होणार वाढ
Fraud with resident by giving lure of good returns from investment in cryptocurrency
मुंबई : क्रीप्टो करन्सीतील गुंतवणुकीतून चांगल्या परताव्याचे आमिष दाखवून रहिवाशाची फसवणूक

हेही वाचा : अनेक कंपन्यांचे धाबे दणाणले,Tata ने नव्या अवतारामध्ये लॉन्च केली ‘ही’ कार; किंमत फक्त…

Creon ई-स्कूटरचे जे कन्सेप्ट व्हर्जन पहिल्यांदा प्रदर्शित केले गेले होते. त्यामध्ये ट्वीन स्पार बीम फ्रेम देण्यात आली होती. आणि कन्सेप्ट व्हर्जनचे डिझाईन हे स्पोर्टी होते. यामध्ये ११.७६ kW ची इलेक्ट्रिक मोटर देण्यात आली होती. कंपनीचे हा दावा आहे की ई-स्कूटर ५.१ सेकंदांमध्ये ० ते ६० किमी प्रति तास इतका वेग पकडू शकते. अलीकडच्या काळामध्ये आलेल्या काही रिपोर्ट्समध्ये हा दावा केला जात आहे की आगामी काळात येणारे इलेक्ट्रिक स्कूटर TVS Ntorq 125 सारखी असू शकते. नावाबद्दल सांगितले जात आहे की TVS च्या नवीन ई-स्कूटरचे नाव ‘Entorq’ असू शकते. असेही म्हटले जात आहे की TVS लाइनअप iQube मॉडेलच्यावर असू शकते. TVS iQube ही एक अतिशय साधी दिसणारी स्कूटर आहे तर कंपनीची आगामी इलेक्ट्रिक टू-व्हीलर iQube मॉडेल सारखीच असेल.

कामगिरीच्या बाबतीत आगामी स्कूटर ही iQube पेक्षा चांगली असेल असे सांगितले जात आहे. लॉन्च झाल्यानंतर TVS ची ही स्कूटर भारतीय बाजारपेठेत उपलब्ध असलेल्या Ather 450X, Ola S1 Pro आणि Hero Vida V1 सारख्या प्रीमियम EV ला टक्कर देईल. मात्र बाजारामध्ये लॉन्च झाल्यानंतर टीव्हीएसच्या या आगामी ई-स्कूटरबाबत अधिक माहिती समोर येईल.

Latest Comment
View All Comments
Post Comment

मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Tvs teaser upcoming eletric scooter launch to this month end related creon tmb 01

First published on: 05-08-2023 at 12:41 IST

संबंधित बातम्या

तुम्ही या बातम्या वाचल्या आहेत का? ×