PPF Account Opening Process : सध्याची महागाई आणि इतरांना वयानुसार येणारे आजारपण बघता निवृत्तीनंतरच्या खर्चाची प्रत्येकालाच चिंता लागली आहे. यासाठी आपण आत्तापासून छोट्या-छोट्या गोष्टींमध्ये गुंतवणूक करायला सुरुवात केली आहे; ज्यामध्ये एलआयसी, एसआयपी, भिशी, पीएफ, पीपीएफ अशा वेगेवगेळ्या योजनांवर आपण अवलंबून असतो. पण, आपल्यातील बऱ्याच जणांना या योजनांचं अकाउंट कोण उघडू शकतं आणि हे अकाउंट नेमकं कसं उघडायचं याबद्दल कोणतीच कल्पना नसते. तर आज आपण पीपीएफ म्हणजेच पब्लिक प्रॉव्हिडंट फंडचे अकाउंट उघडण्यासाठी काय पात्रता लागते, पीपीएफ खाते कसे उघडायचे, त्यासाठी कोणती कागदपत्रे लागतात याबद्दल जाणून घेणार आहोत.
पीपीएफ अकाउंट उघडण्यासाठीचे पात्रता आणि निकष (Eligibility Criteria For Opening PPF Account)
१. तुमचे निवासस्थान – फक्त भारतीय रहिवासी पीपीएफ खाते उघडण्यास पात्र आहेत.
२. वयोमर्यादा – पीपीएफ खाते १८ वर्षे किंवा त्याहून अधिक वयाच्या व्यक्ती उघडू शकतात. पालकदेखील अल्पवयीन मुलांसाठी खाते उघडू शकतात. पण, प्रत्येक अल्पवयीन व्यक्तीसाठी फक्त एकच खाते उघडण्याची परवानगी आहे.
३. खात्यांची संख्या – एखादी व्यक्ती त्यांच्या नावावर फक्त एकच पीपीएफ खाते उघडू शकते. पालकाने अल्पवयीन व्यक्तीसाठी खाते उघडले तरच अनेक खाती उघडण्याची परवानगी आहे.
४. एचयूएफ आणि एनआरआय – हिंदू अविभक्त कुटुंबे (एचयूएफ) आणि अनिवासी भारतीय (एनआरआय) नवीन पीपीएफ खाते उघडण्यास पात्र नाहीत. पण, जर एखादी व्यक्ती, जी रहिवासी आहे, खाते उघडते आणि नंतर एनआरआय बनते, तर त्यांना परिपक्वता होईपर्यंत विद्यमान खात्यात गुंतवणूक सुरू ठेवण्याची परवानगी आहे.
५. संयुक्त खाते – पीपीएफ खाती संयुक्तपणे उघडता येत नाहीत. ती फक्त वैयक्तिक गुंतवणूकदारांसाठीच आहेत.
६. अल्पवयीन मुलांसाठी पालकत्व – पालक किंवा कायदेशीर पालक अल्पवयीन मुलांच्या वतीने पीपीएफ खाते उघडू शकतात. पण, अल्पवयीन १८ वर्षांचे झाल्यावर त्यांनी खात्याचे नियंत्रण घेणे आवश्यक आहे.
पीपीएफ खाते कसे उघडायचे (How To Open PPF Account)
१. अकाउंट उघडणे : पीपीएफ अकाउंट फक्त विशिष्ट बँकांमध्ये, पोस्ट ऑफिसमध्ये उघडता येते. तसेच तुमच्या संबंधित बँकेत तुमचे सेव्हिंग अकाउंट असणे आवश्यक असते.
२. फॉर्म घ्या : पीपीएफ खाते उघडण्याचा फॉर्म बँक किंवा पोस्ट ऑफिसमधून घ्या. हा फॉर्म काही बँकांच्या अधिकृत वेबसाइटवर ऑनलाइनदेखील उपलब्ध असतो.
३. अर्ज भरा : पीपीएफ खाते उघडण्याचा फॉर्म अचूक माहितीसह भरा. सर्व रकाने योग्यरित्या भरले आहेत याची खात्रीसुद्धा करून घ्या.
४. आवश्यक कागदपत्रे द्या : ओळखपत्राचा पुरावा म्हणून अर्जाबरोबर आवश्यक कागदपत्रे सादर करा.
- पत्त्याचा पुरावा (युटिलिटी बिल, आधार कार्ड, पासपोर्ट इ.)
- पासपोर्ट आकाराचे फोटो
- पॅन कार्ड
५. रक्कम जमा करा : पीपीएफ खात्यात किमान ठेव रक्कम ५०० ते कमाल रक्कम वार्षिक १.५ लाख रुपये आहे.
६. सेट स्टँडिंग इन्स्ट्रक्शन (पर्यायी) : जर तुम्हाला नियमितपणे पीपीएफ खात्यात पैसे भरायचे असतील, तर तुम्ही तुमच्या बचत खात्यातून दर महिन्याला किंवा दर वर्षाला पैसे आपोआप ट्रान्सफर होतील अशा पद्धतीने स्टँडिंग इन्स्ट्रक्शन लावू शकता.
७. नॉमिनेशन (पर्यायी) : नॉमिनेशन अनिवार्य नसले तरी तुमच्या पीपीएफ खात्यासाठी लाभार्थीचे नॉमिनेशन करणे फायद्याचे ठरेल. हे खाते उघडताना किंवा नंतर वेगळ्या नामांकन फॉर्मद्वारे केले जाऊ शकते.
जर तुमचे आधीपासूनच पीपीएफ अकाउंट असेल तर ते ॲक्टिव्ह कसे करायचे (How To Activate An Inactive PPF Account)
- बँक किंवा पोस्ट ऑफिस शाखेला एक लेखी पत्र लिहा, ज्यामध्ये तुमचे पीपीएफ खाते पुन्हा सक्रिय करण्याची विनंती करा.
- प्रत्येक निष्क्रिय वर्षासाठी किमान ५०० रुपये भरा आणि सक्रिय वर्षासाठी प्रत्येकासाठी ५० रुपये दंड भरा.
- त्यानंतर बँक किंवा पोस्ट ऑफिस तुमच्या विनंतीवर प्रक्रिया करेल आणि तुमचे खाते ॲक्टिव्ह होईल.
तर वर दिलेल्या माहितीनुसार तुम्ही पीपीएफ अकाउंट उघडू शकता आणि आधीपासून असणारे अकाउंट पुन्हा ॲक्टिव्हसुद्धा करू शकता.
