विकास दराचा वेग मंदावणार! ‘एनएसओ’च्या अनुमानापेक्षा कमी राहण्याचा ‘इक्रा’चा अंदाज

गेल्या आर्थिक वर्षातील चौथ्या तिमाहीतील खासगी उपभोग आणि गुंतवणुकीत अनिमयतिता दिसून आली आहे. आयात शुल्काशी निगडित अनिश्चिततेमुळे गुंतवणुकीवर परिणाम झालेला आहे. त्यामुळे २०२४-२५ आर्थिक वर्षात विकास दर ६.३ टक्के राहील, असे ‘इक्रा’च्या मुख्य अर्थतज्ज्ञ आदिती नायर म्हणाल्या.

एनएसओच्या सुधारित अनुमानानुसार, संपूर्ण आर्थिक वर्षासाठी विकास दर ६.५ टक्के राहण्याची शक्यता आहे. रिझर्व्ह बँकेनेही गेल्या आर्थिक वर्षासाठी ६.५ टक्के विकास दराचा अंदाज वर्तविला आहे. तर आधीच्या म्हणजेच २०२३-२४ आर्थिक वर्षात विकास दर ९.२ टक्क्यांवर गेला होता. त्यामुळे भारत ही जगातील सर्वांत वेगाने वाढणारी अर्थसत्ता ठरली होती. त्याआधी २०२१-२२ मध्ये विकास दर ८.७ टक्के आणि २०२२-२३ मध्ये ७.२ टक्के होता.