नवी दिल्ली : नवी दिल्ली: देशाच्या सेवा क्षेत्राची सक्रियता सरलेल्या एप्रिलमध्ये महिनावार म्हणजेच मार्चच्या तुलनेत किंचित मंदावली असली तरी त्यातील विस्तारपूरकता कायम राहिली असून, तिने १४ वर्षांतील उच्चांकी स्तर गाठल्याचे सोमवारी जाहीर झालेल्या मासिक सर्वेक्षणातून समोर आले.

भारतातील सेवा व्यवसायातील खरेदी व्यवस्थापकांचा कल दर्शविणारा ‘एचएसबीसी इंडिया सर्व्हिसेस पीएमआय’ निर्देशांक एप्रिल महिन्यात ६०.८ गुणांवर नोंदला गेला. मार्चमध्ये हा गुणांक ६१.२ होता. मार्चच्या तुलनेत एप्रिलमध्ये सेवा क्षेत्रातील क्रियाकलापातील वाढीचा वेग मंदावला असला तरी त्याचा दर सकारात्मक आहे. सेवा क्षेत्राचा निर्देशांक ५० गुणांवर नोंदला गेल्यास विस्तार तर ५० गुणांखाली नोंदला गेल्यास आकुंचन झाल्याचे मानले जाते. हा निर्देशांक ऑगस्ट २०२१ पासून ५० गुणांवर नोंदविला गेला आहे.

हेही वाचा >>> बीएसएनएलच्या ४ जी सेवेला अखेर ऑगस्टचा मुहूर्त; पंजाबमधील पथदर्शी प्रकल्पाच्या यशानंतर देशभरात अनावरण

3 to 4 percent drop in admission qualifying marks Mumbai
प्रवेश पात्रता गुणांमध्ये ३ ते ४ टक्क्यांची घट
MHADA Mumbai, patra chawl scheme 306 houses price hike, patra chawl scheme houses, patra chawl scheme 306 Home Winners , Maharashtra Housing and Area Development Authority,
पत्राचाळ योजनेतील ३०६ घरांच्या किमतीत वाढ? सात ते दहा लाखांनी वाढ प्रस्तावित; विजेत्यांवरील आर्थिक भार वाढणार
debt recovery marathi news
कर्जवसुली न्याय प्राधिकरण
india wholesale inflation rate at 15 month high in may 2024
घाऊक महागाई दर १५ महिन्यांच्या उच्चांकी; मे महिन्यात २.६१ टक्क्यांवर; किरकोळ महागाईच्या विपरीत वाट
May PMI at 5 month low
सेवा क्षेत्रही मरगळीकडे! मेचा ‘पीएमआय’ ५ महिन्यांच्या नीचांकांवर
निर्मिती क्षेत्राच्या वेगाला मे महिन्यात मर्यादा; पीएमआय निर्देशांक तीन महिन्यांच्या नीचांकी ५७.५ गुणांवर
india s fy24 fiscal deficit hits rs 16 54 lakh crore
भारताची वित्तीय तूट १६.५४ लाख कोटींवर; सरत्या आर्थिक वर्षातील स्थिती; जीडीपीच्या ५.६ टक्क्यांवर
30 year of non white government in South Africa
विश्लेषण : दक्षिण आफ्रिकेत बिगर-श्वेतवर्णीय सरकारची ३० वर्षे … काय बरोबर, काय चुकले?

देशांतर्गत आणि परदेशी कार्यादेशातील वाढीमुळे सेवा व्यवसायांच्या चालकांचा आत्मविश्वास तीन महिन्यांतील उच्चांकी पातळीवर आहे. जारपेठेतील पूरक स्थिती आणि कार्यादेशात झालेली वाढ यामुळे निर्देशांकाने एप्रिलमध्ये तीन महिन्यांतील उच्चांकी पातळीवर फेर कायम राखला. ही गेल्या १४ वर्षांतील तिसऱ्या क्रमांकाची उच्चांकी पातळी आहे. निर्देशांक मार्चच्या तुलनेत किरकोळ घसरला असला तरी सेवा क्षेत्राची वेगवान आगेकूच कायम राहिली आहे. व्यवसायाबद्दल सकारात्मकता वाढली असली तरी रोजगार निर्मितीच्या पातळीवर वाढ झालेली नाही, असेही सर्वेक्षणात नमूद करण्यात आले आहे.

भारतीय सेवा क्षेत्राची सक्रियता एप्रिल महिन्यात किंचित कमी झाली आहे. नवीन कार्यादेशांमुळे सेवा क्षेत्राचा वाढीचा वेग कायम राहिला आहे. देशांतर्गत कार्यादेशातही चांगली वाढ दिसून आली. – प्रांजुल भंडारी, मुख्य अर्थतज्ज्ञ, एचएसबीसी इंडिया