LPG Gas Price: एलपीजी गॅसचे दर २५ रुपयांनी वाढले; आता व्यावसायिक सिलेंडर्ससाठी मोजावे लागतील ‘इतके’ रुपये!

एक मार्चपासून व्यावसायिक वापराच्या १९ किलो वजनाच्या एलपीजी सिलेंडर्सच्या किमतींमध्ये तब्बल २५ रुपये वाढ करण्यात आली आहे. त्यामुळे आता या सिलेंडर्सचे दर दिल्लीमध्ये १७९५ रुपये तर मुंबीत १७४९ रुपयांवर गेले आहेत. चेन्नई व कोलकात्यामध्ये हेच दर अनुक्रमे १९६० आणि १९११ रुपये इतके झाले आहेत. त्याचवेळी घरगुती वापराच्या नियमित सिलेंडर्सच्या किमतीमध्ये कोणतेही बदल करण्यात आलेले नाहीत.

सलग दुसऱ्या महिन्यात दरवाढ!

१ फेब्रुवारी रोजीही गॅस सिलेंडर पुरवठादार कंपन्यांनी व्यावसायिक वापराच्या सिलेंडर्सच्या किमती वाढवल्या होत्या. १ फेब्रुवारी रोजी १४ रुपयांनी या किमती वाढवण्यात आल्या होत्या. आता पुन्हा त्यात २५ रुपयांची वाढ करण्यात आली आहे.

१ मार्च रोजी व्यावसायिक सिलेंडर्सच्या किमती कुठे किती?

दिल्ली – १७९५
मुंबई – १७४९
कोलकाता – १९११
चेन्नई – १९६०.५०
चंदीगड – १८१६
बंगळुरू – १८९५
इंदौर – १९०१
अमृतसर – १८९५
जयपूर – १८१८
अहमदाबाद – १८१६