काय सांगता! आता UPIच्या मदतीने काढता येणार ATM मधून पैसे, आनंद महिंद्रा यांनी शेअर केला VIDEO

महिंद्रा यांनी शेअर केलेल्या पोस्टनुसार, यूपीआय आधारित एटीएम नुकतेच मुंबईत झालेल्या ग्लोबल फिनटेक फेस्टमध्ये प्रदर्शित करण्यात आले. महिंद्रा समूहाच्या अध्यक्षांनी लिहिले, ‘UPI एटीएमचे ५ सप्टेंबर रोजी मुंबईतील ग्लोबल फिनटेक फेस्ट २०२३ मध्ये अनावरण करण्यात आले. भारत ज्या वेगाने वित्तीय सेवांचे डिजिटायझेशन करीत आहे आणि त्यांना कॉर्पोरेट केंद्रित (क्रेडिट कार्ड कंपन्यांसाठी धोक्याची घंटा?) बनवण्याऐवजी ग्राहक केंद्रित बनवत आहे, तो आश्चर्यकारक आहे. (मी माझा मोबाईल फोन कुठल्याही चुकीच्या ठिकाणी ठेवणार नाही, याची मला फक्त खातरजमा करायची आहे!)’

हेही वाचाः २२० सभा, ६० शहरे अन् १५ दशलक्ष लोक, अशा प्रकारे जी २० देशाची अर्थव्यवस्था बदलणार

भारतातील पहिले UPI ATM

अलीकडेच नॅशनल पेमेंट कॉर्पोरेशन ऑफ इंडिया (NPCI) च्या सहकार्याने हिताची पेमेंट सर्व्हिसेसने काल भारतातील पहिले UPI ATM लाँच केले. हे व्हाईट लेबल एटीएम (WLA) म्हणून लाँच केले गेले आहे. याद्वारे कोणत्याही अडचणीशिवाय रोख रक्कम काढता येणार आहे. तसेच फिजिकल एटीएम ठेवण्याची गरजसुद्धा संपुष्टात येणार आहे. यामुळे काही बँकांच्या ग्राहकांना ‘क्यूआर आधारित कॅशलेस पैसे काढण्याचा’ आनंद घेता येईल, असा अनुभव मिळेल.

हेही वाचाः RRVL आणि कतार गुंतवणूक प्राधिकरणात करार पूर्ण, रिलायन्स रिटेलला ८२७८ कोटी मिळाले

UPI ATM मधून पैसे कसे काढायचे?

• तुम्हाला काढायची असलेली रक्कम निवडा.
• तुम्ही निवडलेल्या रकमेशी संबंधित UPI QR कोड दाखवला जाईल.
• QR कोड स्कॅन करण्यासाठी तुमचे UPI अॅप वापरा.
• व्यवहाराची खातरजमा करण्यासाठी तुमचा UPI पिन एंटर करा.
• आता तुमची रोख रक्कम एटीएममधून बाहेर येईल.