टाटा मोटर्सकडून ‘ईव्ही’च्या किमतीत कपात

हेही वाचा >>> ‘सेन्सेक्स’मध्ये ४८२ अंशांची भर; बँकिंग, वित्तीय सेवा आणि माहिती तंत्रज्ञान क्षेत्रातील समभागांमध्ये खरेदीचा सपाटा

बॅटरीचा खर्च हा कोणत्या विद्युत वाहनाच्या एकूण खर्चाचा मोठा भाग असतो. टाटा पॅसेंजर इलेक्ट्रिक मोबिलिटीचे मुख्य वाणिज्य अधिकारी विवेक श्रीवत्स म्हणाले, बॅटरी सेलच्या किमती अलीकडच्या काळात घसरण झाल्यामुळे आणि भविष्यातील संभाव्य कपातीचा विचार करून, ग्राहकांना थेट फायदा देण्याचा निर्णय घेतला आहे. गेल्या काही वर्षांमध्ये विद्युत वाहनांच्या विक्रीने वेग घेतला आहे. विद्युत वाहने अधिक सुलभ आणि स्वस्तात उपलब्ध करून त्यांना मुख्य प्रवाहात आणण्याचे कंपनीचे ध्येय आहे. वर्ष २०२३ मध्ये, प्रवासी वाहन उद्योगाने नोंदवलेल्या ८ टक्के वाढीच्या तुलनेत विद्युत वाहन विभागाने ९० टक्क्यांहून अधिक वाढ नोंदवली आहे. वर्ष २०२४ मध्ये ही वाढीची गती कायम राहिली आहे, तसेच जानेवारी २०२४ मध्ये विद्युत वाहनांच्या विक्रीने वार्षिक १०० टक्के वाढ नोंदवली आहे.