बऱ्याचदा कोणतीही मोठी घटना घडल्यानंतर ती सर्वात पहिल्यांदा गुगलवर ट्रेंड होते. परंतु आजकाल Google वर सर्वात जास्त काय ट्रेंड होते हे तुम्हाला माहिती आहे का? पंतप्रधान नरेंद्र मोदी नुकतेच लक्षद्वीपला जाऊन आले आहेत, त्यानंतर लक्षद्वीप जगभरात इंटरनेटवर सर्वाधिक सर्च केले जाणारे ठिकाण बनले आहे. पंतप्रधान नरेंद्र मोदी लक्षद्वीपमध्ये आल्यानंतर गेल्या काही दिवसांत लक्षद्वीप गुगलवर एवढ्या मोठ्या प्रमाणात सर्च करण्यात आले आहे की, गेल्या २० वर्षांचा रेकॉर्ड मोडला आहे.

भारतातील बहुतेक लोक मालदीवला भेट देतात, गेल्या वर्षी २.०९ लाख भारतीय पर्यटकांनी मालदीवला भेट दिली. परंतु आता गुगल सर्चमध्येही लोकांनी मालदीवऐवजी लक्षद्वीप सर्च केल्यानं २० वर्षांचा रेकॉर्ड ब्रेक झालाय. आगामी काळात मालदीव नव्हे, तर लक्षद्वीप हे भारतीय पर्यटकांचे आवडते ठिकाण बनल्यास आश्चर्य वाटण्याचे कारण नाही. पीएम मोदींच्या भेटीनंतर लक्षद्वीप हे गुगलवर सर्वाधिक ट्रेंडिंग डेस्टिनेशन ठरले आहे. विशेष म्हणजे लक्षद्वीप गेल्या महिन्यात सर्चमध्ये मालदीवपेक्षा फार मागे होतं. परंतु आता लक्षद्वीपने गुगल सर्चमध्ये २० वर्षांचा रेकॉर्ड मोडलाय. मालदीवमध्येही लक्षद्वीप सर्च केलं जातंय. त्यामुळेच अनेकांनी मालदीव सोडून आता लक्षद्वीपला तिकीट बुक करणे सुरू केल्याचं चित्रही निर्माण झालं आहे.

The price of gold is increasing
सोन्याची किंमत दिवसेंदिवस वाढतीच; गुंतवणूकदारांनी काय करावे?
Virat Kohli Investment in Go Digit
विराट-अनुष्का होणार मालामाल! चार वर्षांपूर्वी खरेदी केलेल्या अडीच कोटींच्या शेअर्सची किंमत आठ पटीने वाढली
LIC first installment income from new customers hits 12 year high with Rs 12383 crore in April up 113 percent
एलआयसीचे नवीन ग्राहकांच्या पहिल्या हप्त्यापोटी उत्पन्न १२ वर्षांच्या उच्चांकी; एप्रिल महिन्यात १२,३८३ कोटींसह ११३ टक्के वाढ
end of the day Bombay Stock Market index Sensex rise by 260 points
तीन सत्रातील घसरणीला लगाम, सेन्सेक्समध्ये २६० अंशांची भर
loksatta analysis conflict between the majority maitei and minority kuki tribes in manipur
विश्लेषण : मणिपूर हिंसाचाराची वर्षपूर्ती… शाश्वत शांतता नांदणार कधी? 
मुलगी किंवा पत्नी ते जागरूक नागरिक; कसा झाला महिला मतदारांचा प्रवास?
corona virus cases decreased
करोना विषाणू आजही अस्तित्वात; मग त्याचा धोका कमी होऊन संक्रमितांची संख्या कशी घटली?
Indian oil s quarterly net profit slashed by 40 percent due small cut in fuel price before elelction
निवडणूकपूर्व इंधन दरकपातीचा फटका; इंडियन ऑइलच्या तिमाही निव्वळ नफ्याला निम्म्याने कात्री  

हेही वाचाः सिंगापूर अन् बँकॉक प्रवासापेक्षाही अयोध्येची विमान स्वारी महाग, तिकिटांचे दर गगनाला भिडले

लक्षद्वीपमध्ये पर्यटक वाढू शकतात

३६ बेटांचा समूह असलेला लक्षद्वीप हा ३२ चौरस किलोमीटर क्षेत्रामध्ये पसरलेला आहे. लक्षद्वीप हे भारतातील सर्वात सुंदर ठिकाणांपैकी एक आहे, परंतु असे असूनही येथे कमी लोक भेट देतात. पंतप्रधान नरेंद्र मोदींच्या भेटीनंतर लक्षद्वीपमध्ये पर्यटकांची संख्या वाढण्याची शक्यता आहे, असे म्हटल्यास वावगे ठरणार नाही.

हेही वाचाः पंतप्रधान मोदींवरील मालदीवच्या आक्षेपार्ह टीकेमुळे देशातील व्यापारी अन् उद्योगपती संतापले, उचलले ‘हे’ मोठे पाऊल

लक्षद्वीप बेटावर कसे जायचे?

तुम्हीही लक्षद्वीपला जाण्याचा विचार करत असाल तर तुमच्या मनात हा प्रश्न नक्कीच निर्माण होईल की, लक्षद्वीपला कसे जायचे? तुम्ही ट्रेन किंवा विमानाने केरळमधील कोचीला पोहोचू शकता. कोचीला पोहोचल्यानंतर लक्षद्वीपला जाण्यासाठी जहाजाने जावे लागते.

lakshdweep

लक्षद्वीपमध्ये का गेले होते पंतप्रधान मोदी?

कोची-लक्षद्वीप द्वीपसमूह पाणबुडी ऑप्टिकल फायबर कनेक्शनचे उद्घाटन करण्यासाठी पंतप्रधान नरेंद्र मोदी तिथे गेले होते. तसेच प्राथमिक आरोग्य सुविधा आणि अंगणवाडी केंद्रांच्या नूतनीकरणासाठी पंतप्रधान मोदींनी पायाभरणी केली आहे.