Money Mantra : टीम इंडियाकडून शिका गुंतवणुकीचा मंत्र, पोर्टफोलिओ होणार मजबूत अन् चांगला परतावा मिळणार

लवचिकता आणि परिस्थितीशी जुळवून घेण्याची क्षमता

बाजारातील बदलत्या परिस्थितीला प्रतिसाद देण्यासाठी बॅलन्स्ड अ‍ॅडव्हांटेज फंडाची रचना करण्यात आली आहे. त्यांच्याकडे सध्याच्या बाजाराच्या परिस्थितीनुसार इक्विटी आणि डेट या दोन्ही पर्यायांमध्ये गुंतवणूक करण्याची सुविधा आहे. त्याचप्रमाणे भारतीय क्रिकेट संघाने कसोटी ते एकदिवसीय (ODI) आणि रोमांचक T20 या खेळाच्या विविध स्वरूपांशी जुळवून घेण्याची क्षमता दाखवून दिली आहे. लवचिकतेसह मेन इन ब्लू म्हणजेच टीम इंडिया वेगवेगळ्या परिस्थितीत जिंकण्यासाठी आपली रणनीती अवलंबत आहे आणि त्यानुसार स्वतःला तयार करीत आहे.

हेही वाचाः केवळ २६ टक्के भारतीय कंपन्या AI चा लाभ घेण्यासाठी तयार; सिस्को अभ्यासातून उघड

जोखीम व्यवस्थापन

बॅलन्स्ड अ‍ॅडव्हांटेज फंडांचे उद्दिष्ट त्यांच्या पोर्टफोलिओचे वाटप डायनॅमिकरित्या अ‍ॅडजस्ट करून जोखीम आणि परतावा संतुलित करणे आहे. त्याचप्रमाणे भारतीय क्रिकेट संघ प्रत्येक सामन्यासाठी सर्वोत्तम संघ संयोजन निवडून जोखीम हाताळतो. संघ व्यवस्थापन खेळपट्टीची परिस्थिती, हवामान आणि विरोधी संघाची ताकद आणि कमकुवतपणा यांसारख्या गोष्टींचा विचार करते आणि त्या आधारावर मोटेरा (अहमदाबाद) च्या उसळत्या खेळपट्टीवर खेळणे असो किंवा ईडन गार्डन्स (कोलकाता) ची टर्निंग पिच असो, वेगवेगळ्या मैदानांवर संघ अधिक चांगली कामगिरी करतो.

हेही वाचाः पेटीएम, बजाज फायनान्स, एसबीआय कार्डला आरबीआयच्या कडक कारवाईचा सर्वाधिक फटका; शेअर्स ७ टक्क्यांपर्यंत घसरले

निर्धार

बॅलन्स्ड अ‍ॅडव्हांटेज फंडाचा प्राथमिक प्रयत्न म्हणजे दीर्घ मुदतीसाठी जोखीम अ‍ॅडजस्ट परतावा प्रदान करणे. त्याचप्रमाणे भारतीय क्रिकेट संघाचे ध्येयसुद्धा समर्पित आहे. सर्व फॉरमॅटमध्ये आणि वेगवेगळ्या संघांविरुद्ध उच्च स्तरावर स्पर्धा करण्याची त्याची क्षमता सातत्याची त्याची इच्छा दर्शवते.

बहुआयामी प्रतिभा

बॅलन्स्ड अ‍ॅडव्हांटेज फंडामध्ये इक्विटी आणि डेटमध्ये स्विच करण्याची क्षमता असते. भारतीय क्रिकेट संघ आपल्या खेळाडूंनी खेळाच्या विविध फॉरमॅटमध्ये चांगली कामगिरी केल्यामुळे अष्टपैलुत्व दाखवते. यात आघाडीच्या फळीतील फलंदाज, वेगवान गोलंदाज आणि फिरकीपटूंचा समावेश आहे. विविधतेमुळे संघाच्या क्षमतांमध्ये सखोलता येते, तर खेळाचे कौतुक करणारे खेळाडू निवडणे देखील जिंकण्यात मदत करते.

निर्णय घेण्याची क्षमता

भारतीय क्रिकेट संघ आणि बॅलन्स्ड अ‍ॅडव्हांटेज फंड दोघेही माहितीपूर्ण निर्णय घेण्यावर विश्वास ठेवतात. फंड मॅनेजर गुंतवणुकीचे निर्णय घेण्यासाठी डेटा आणि विश्लेषणे वापरतात, तर संघ व्यवस्थापन आणि कर्णधार डेटा अ‍ॅनालिटिक्स वापरतात आणि खेळाडू आणि प्रतिस्पर्ध्याच्या सामर्थ्य आणि कमकुवतपणावर आधारित धोरणे तयार करण्यासाठी स्वतःची सखोल माहिती वापरतात.

दीर्घकालीन उद्दिष्टे

बॅलन्स्ड अ‍ॅडव्हांटेज फंडामध्ये गुंतवणूक करण्याचे उद्दिष्ट दीर्घकालीन आहे. त्याचप्रमाणे भारतीय क्रिकेट संघाचा विचार वैयक्तिक सामन्यांच्या पलीकडे दीर्घकालीन विकासापर्यंत आहे. ते तरुण प्रतिभेचे संगोपन करण्यासाठी आणि भविष्यासाठी एक मजबूत संघ तयार करण्यासाठी गुंतवणूक करतात. सध्या सुरू असलेल्या क्रिकेट विश्वचषकानंतर लगेचच संघाचे लक्ष जून २०२४ मध्ये होणाऱ्या T20 विश्वचषकाकडे वळवले जाईल. भारतीय क्रिकेट संघाचा प्रवास हा बॅलन्स्ड अ‍ॅडव्हांटेज फंडासारखाच आहे, कारण त्यांच्यात परिस्थितीशी जुळवून घेण्याची क्षमता, जोखीम व्यवस्थापन, स्थिरता, अष्टपैलुत्व, डेटा-आधारित निर्णय घेणे आणि दीर्घकालीन विचार करण्याची सामान्य वैशिष्ट्ये आहेत.

ज्याप्रमाणे बॅलन्स्ड अ‍ॅडव्हांटेज फंडाचे उद्दिष्ट संतुलित जोखमीसह सर्वोत्तम परतावा देण्याचे असते, त्याचप्रमाणे भारतीय क्रिकेट संघ रणनीतींमध्ये सुसूत्रता आणून सर्वोत्तम कामगिरी करण्याचा प्रयत्न करतो. मेन इन ब्लू हा केवळ क्रिकेट संघापेक्षा अधिक आहे, ते परंपरा आणि नवीन कल्पना यांच्यातील समतोलपणाचे पुरावे आहेत आणि ते त्यांच्या असामान्य कामगिरीने लाखो लोकांना प्रेरणा देत आहेत.

(लेखक हे बडोदा बीएनपी परिबा म्युच्युअल फंडाचे मुख्य गुंतवणूक अधिकारी आहेत)