नॅशनल इन्स्टिटय़ूट ऑफ अॅग्रीकल्चर एक्स्टेंशन मॅनेजमेंट, हैदराबादतर्फे घेण्यात येणाऱ्या कृषी व्यवस्थापन विषयातील पदव्युत्तर पदविका- पीजीडीएम (एबीआय) २०१४-१६ या पदव्युत्तर पदविका अभ्यासक्रमामध्ये प्रवेश देण्यासाठी घेण्यात येणाऱ्या निवड परीक्षेसाठी खाली नमूद केल्याप्रमाणे पात्रताधारक विद्यार्थ्यांकडून अर्ज मागविण्यात येत आहेत-आवश्यक शैक्षणिक पात्रता : अर्जदारांनी कुठल्याही विषयातील पदवी परीक्षा कमीत कमी ५०% गुणांसह उत्तीर्ण केलेली असावी. अपंग व राखीव गटातील उमेदवारांसाठी गुणांची अट ४५% पर्यंत शिथिलक्षम आहे. वरील शैक्षणिक पात्रतेशिवाय अर्जदार विद्यार्थ्यांनी सीएटी- २०१३ ही प्रवेश पात्रता परीक्षा दिलेली असावी.निवड पद्धती : अर्जदारांपैकी पात्रताधारक उमेदवारांमधून त्यांची पदवी परीक्षेतील गुणांची टक्केवारी व सीएटी निवड परीक्षेतील गुणांकाच्या आधारे त्यांची या अभ्यासक्रमांसाठी अंतिम निवड करण्यात येईल.अधिक माहिती व तपशिलासाठी संपर्क : अभ्यासक्रमाच्या संदर्भात अधिक माहिती व तपशिलासाठी नॅशनल इन्स्टिटय़ूट ऑफ अॅग्रीकल्चरल एक्स्टेंशन मॅनेजमेंटच्या दूरध्वनी क्र. ०४०-२४०१४५२७ अथवा २४०१५२०८ वर संपर्क साधावा अथवा इन्स्टिटय़ूटच्या www.manage.gov.in या संकेतस्थळाला भेट द्यावी.अर्ज पाठविण्याचा पत्ता व शेवटची तारीख : विहित नमुन्यातील संपूर्णपणे भरलेले व आवश्यक तो तपशील, कागदपत्र आणि शुल्कासह असणारे प्रवेश अर्ज नॅशनल इन्स्टिटय़ूट ऑफ अॅग्रीकल्चरल एक्स्टेंशन मॅनेजमेंट, राजेंद्रनगर, हैदराबाद ५०००३० या पत्त्यावर ३० डिसेंबर २०१३पर्यंत पोहोचतील अशा बेताने पाठवावेत.