गुजरात सरकारद्वारा संचालित गुजरात फॉरेन्सिक सायन्सेस युनिव्हर्सिटी, गांधीनगर येथे फॉरेन्सिक सायन्स विषयातील पदव्युत्तर पदवी व पदविका अभ्यासक्रम उपलब्ध आहेत. या अभ्यासक्रमांना प्रवेश देण्यासाठी खाली नमूद केल्याप्रमाणे पात्रताधारक विद्यार्थ्यांकडून प्रवेश अर्ज मागविण्यात येत आहेत. * एमएससी- फॉरेन्सिक ऑडोन्टोलॉजी * अभ्यासक्रमाचा कालावधी व उपलब्ध जागा- दोन वर्षे कालावधीच्या या पदव्युत्तर पदवी अभ्यासक्रमासाठी उपलब्ध जागांची संख्या ३५. * आवश्यक शैक्षणिक पात्रता- अर्जदारांनी डेन्टल सर्जरी विषयातील पदवी कमीत कमी ५५% गुणांसह उत्तीर्ण केलेली असावी. * पोस्ट बेसिक डिप्लोमा इन फॉरेन्सिक नर्सिग - * अभ्यासक्रमाचा कालावधी व उपलब्ध जागा- एक वर्ष कालावधीच्या या पदव्युत्तर पदविका अभ्यासक्रमासाठी उपलब्ध जागांची संख्या १५. * आवश्यक शैक्षणिक पात्रता- अर्जदारांनी बी.एस्सी.- नर्सिग ही पदवी पात्रता कमीत कमी ५५% गुणांसह उत्तीर्ण केलेली असावी. * विशेष सूचना- अभ्यासक्रमांसाठी उपलब्ध जागांपैकी काही जागा सरकारी नियमांनुसार राखीव आहेत. अर्जदारांच्या संबंधित पात्रता परीक्षेच्या गुणांच्या टक्केवारीची अट राखीव वर्गगटातील उमेदवारांसाठी ५% नी शिथिल आहे. * निवडपद्धती- अर्जदारांची त्यांच्या पात्रता परीक्षेतील गुणांची टक्केवारी व शैक्षणिक आलेखाच्या आधारे त्यांना संबंधित अभ्यासक्रमात प्रवेश देण्यात येईल. * अधिक माहिती व तपशील- अभ्यासक्रमांच्या संदर्भात अधिक माहिती व तपशिलासाठी प्रमुख वृत्तपत्रात प्रकाशित झालेली गुजरात फॉरेन्सिक सायन्सेस युनिव्हर्सिटीची जाहिरात पाहावी. युनिव्हर्सिटीच्या www.gfsu.edu.in या संकेतस्थळाला भेट द्यावी. अधिक माहितीसाठी एमएससी- फॉरेन्सिक ऑडोन्टोलॉजी या अभ्यासक्रमासाठी (info.odontology@gmail.com) या मेल आयडीवर संपर्क साधावा तर तर पोस्ट बेसिक डिप्लोमा इन फॉरेन्सिक नर्सिग या अभ्यासक्रमासाठी (drrajeshbabu.babu@gmail.com) या मेल आयडीवर संपर्क साधावा. * अर्ज करण्याची पद्धत व शेवटची तारीख- संगणकीय पद्धतीने वरील संकेतस्थळावर अर्ज करण्याची शेवटची तारीख १९ नोव्हेंबर २०१७ आहे.
