नॅशनल पॉवर ट्रेनिंग इन्स्टिटय़ूट- दुर्गापूर येथे उपलब्ध असणाऱ्या थर्मल पॉवर प्लँट इंजिनीअरिंगमधील पदविका अभ्यासक्रमासाठी खाली नमूद केल्याप्रमाणे प्रवेश अर्ज मागविण्यात येत आहेत. जागांची संख्या व तपशील- अभ्यासक्रमासाठी उपलब्ध जागांची संख्या ६२ असून त्यापैकी काही जागा सरकारी नियमांनुसार राखीव आहेत. आवश्यक शैक्षणिक पात्रता- अर्जदारांनी मेकॅनिकल, इलेक्ट्रिकल वा इलेक्ट्रिकल अॅण्ड इलेक्ट्रॉनिक्स इंजिनीअरिंगमधील पदविका चांगल्या शैक्षणिक आलेखासह उत्तीर्ण केलेली असावी. निवड पद्धती- अर्जदारांपैकी पात्रताधारक उमेदवारांना मुलाखतीसाठी बोलाविण्यात येऊन त्याआधारे त्यांची प्रवेशासाठी निवड करण्यात येईल. अर्जासह पाठवायचे शुल्क- अर्जदारांनी आपल्या अर्जासह पाठवायचे प्रवेश शुल्क म्हणून ५७५ रु.चा एनपीटीआय, ईआर यांच्या नावे असणारा व दुर्गापूर येथे हेच असलेला डिमांड ड्राफ्ट पाठविणे आवश्यक आहे. अधिक माहिती व तपशील- अभ्यासक्रमाच्या संदर्भात अधिक माहिती व तपशिलासाठी ‘एम्प्लॉयमेंट न्यूज’च्या १८ ते २४ जून २०१६ च्या अंकातील जाहिरात पाहावी, एनपीटीआयच्या दूरध्वनी क्र. ०३४३- २२५४६२३७ वर संपर्क साधावा अथवा इन्स्टिटय़ूटच्या www.nptidurgapur.com या संकेतस्थळाला भेट द्यावी. अर्ज पाठविण्याचा पत्ता व शेवटची तारीख- संपूर्णपणे भरलेले व आवश्यक ते कागदपत्र आणि डिमांड ड्राफ्टसह असणारे प्रवेश अर्ज दि हेड ऑफ इन्स्टिटय़ूट, नॅशनल पॉवर ट्रेनिंग इन्स्टिटय़ूट (ईस्टर्न रिजन), एनपीटीआय कॉम्प्लेक्स, सिटी सेंटर, दुर्गापूर- ७१३२१६ (प. बंगाल) या पत्त्यावर २५ जुलै २०१६ पर्यंत पोहोचतील अशा बेताने पाठवावेत.
