अफगाणिस्तानच्या पश्चिमेकडील हेरथ प्रांतात घुसखोरांनी शनिवारी भल्या पहाटे एका बांधकाम छावणीवर केलेल्या हल्ल्यात १० जण ठार झाले, असे पोलिसांनी सांगितले.
कारुख जिल्ह्यात बांधकाम छावणीवर करण्यात आलेल्या हल्ल्यात नऊ मजूर आणि एक पोलीस ठार झाला. अफगाणिस्तान आणि जर्मनीतील एका कंपनीच्या संयुक्त विद्यमाने ५२ कि.मी. लांबीच्या रस्त्याचे बांधकाम सुरू होते, तेथे हे मजूर काम करीत होते. ज्या विकासकामांना परकीय निधीची मदत मिळाली आहे अशा कामांवर घुसखोरांकडून सातत्याने हल्ले करण्यात येत आहेत.