News Flash

१९८४ शीखविरोधी दंगल: शिक्षेविरोधात सज्जन कुमारची सुप्रीम कोर्टात धाव

तत्कालीन पंतप्रधान इंदिरा गांधी यांच्या हत्येनंतर १९८४ मध्ये दिल्लीतील राजनगर भागातील  दंगलीत पाच शीख व्यक्तींची हत्या करण्यात आली होती.

संग्रहित छायाचित्र

शीखविरोधी दंगलीप्रकरणी जन्मठेपेची शिक्षा झालेल्या सज्जन कुमारने दिल्ली हायकोर्टाच्या निर्णयाविरोधात शनिवारी सुप्रीम कोर्टात याचिका दाखल केली.

तत्कालीन पंतप्रधान इंदिरा गांधी यांच्या हत्येनंतर १९८४ मध्ये दिल्लीतील राजनगर भागातील  दंगलीत पाच शीख व्यक्तींची हत्या करण्यात आली होती. या प्रकरणात माजी खासदार सज्जन कुमारसह सहा आरोपी होते. त्यांच्यावर २०१० मध्ये खटला सुरु झाला आणि त्यानंतर तीन वर्षांनी कनिष्ठ न्यायालयाने पाच आरोपींना दोषी ठरवून सज्जन कुमारला दोषमुक्त केले. याविरोधात हायकोर्टात याचिका दाखल झाली होती.

दिल्ली हायकोर्टाने सोमवारी या खटल्यात निकाल दिला होता. हायकोर्टाने सज्जन कुमारसह सहा जणांना दोषी ठरवले होते. सज्जनकुमारला हायकोर्टाने जन्मठेपेची शिक्षा सुनावली होती. दिल्ली हायकोर्टाच्या या निर्णयाविरोधात सज्जन कुमारने शनिवारी सुप्रीम कोर्टात याचिका दाखल केली आहे. ‘एएनआय’ या वृत्तसंस्थेने हे वृत्त दिले आहे.

दरम्यान, सज्जन कुमार व अन्य दोषींनी ३१ डिसेंबरपर्यंत शरण येण्याचे आदेश दिले आहेत. शरण येण्यासाठीची मुदत एक महिन्यांची वाढवून द्यावी , अशी मागणी करणारी याचिका सज्जन कुमारने हायकोर्टात दाखल केली होती. मात्र, शुक्रवारी हायकोर्टाने त्याची ही याचिका फेटाळून लावली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 22, 2018 3:40 pm

Web Title: 1984 anti sikh riots case sajjan kumar moved supreme court against conviction delhi high court
Next Stories
1 राजीव गांधींचा भारतरत्न परत मागणाऱ्या केजरीवालांनी माफी मागावी-काँग्रेस
2 दंडातून सरकारी बँकांची कमाई! साडे तीन वर्षांत १० हजार कोटी रुपयांची वसुली
3 जम्मू- काश्मीरमध्ये सहा दहशतवाद्यांना कंठस्नान
Just Now!
X