News Flash

रोहिंग्याकडे सापडले ३० लाख रुपये कॅश, तिघांना अटक

पहिल्यांदाच एखाद्या रोहिंग्याकडे इतक्या मोठ्या प्रमाणात रोख रक्कम सापडली आहे

जम्मूमधील चन्नी हिम्मत परिसरातील एका झोपडीत ३० लाख रुपये रोख रक्कम सापडली आहे. पोलिसांनी यासंबंधी रोहिंग्या कुटुंबातील तीन सदस्यांना चौकशीसाठी ताब्यात घेतलं आहे. पोलीस सुत्रांनी दिलेल्या माहितीनुसार, छापेमारीदरम्यान ही रोख रक्कम सापडली आहे. पोलिसांना झोपडीत रोख रक्कम असल्याची खबर मिळाली होती.

सापडलेल्या रोख रकमेतील २७ लाख रुपयांमध्ये ५०० आणि २००० रुपयांच्या नोटा आहेत. म्यानमारहून आलेल्या एखाद्या रोहिंग्या कुटुंबाकडे इतकी मोठी रक्कम मिळण्याची ही पहिलीच घटना आहे. रोहिंग्या भारतात छोट्या-मोठ्या नोकऱ्या करतात. त्यामुळे एवढी रक्कम त्यांच्याकडे मिळणं संशय निर्माण करणारं आहे.

सुत्रांनी दिलेल्या माहितीनुसार, ही रक्कम इस्माइल (१९) आणि नूर आलम (२१) यांचे असल्याचं रोहिंग्यांचं म्हणणं आहे. त्यांनी सांगितलंय की, इस्माइल आणि नूर आलम दोन ते तीन दिवसांपूर्वी बांग्लादेशला निघून गेले आहेत. मात्र ताब्यात घेण्यात आलेले रोहिंग्या अधिकृत पासपोर्ट नसतानाही इस्माइल आणि नूर आलम बांग्लादेशला कसे गेले हे सांगू शकलेले नाहीत. दोघेही गेल्या पाच ते सहा वर्षांपासून जम्मूमध्ये राहत होते.

मिळालेल्या माहितीनुसार, जप्त करण्यात आलेली रोख रक्कम एका प्लास्टिक कंटेनरमध्ये कपाटाच्या खाली सुटकेसमध्ये लपवण्यात आली होती. दहशतवादी कारवायांसाठी हवालामार्फत पैसा, ड्रग्ज, चोरी, तस्करी अशा सर्व शक्यता पोलीस पडताळून पाहत आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 10, 2018 12:11 pm

Web Title: 30 lakh cash seized from rohingya held in jammu
Next Stories
1 शौचालयाच्या टाकीत गुदमरून एकाच कुटुंबातील सहा जणांचा मृत्यू
2 ट्रॅफिक पोलिसांना मूळ कागदपत्रं दाखवण्याची गरज नाही, केंद्राचा महत्त्वपूर्ण निर्णय
3 पाकिस्तानी जेलमधून ३६ वर्षांनी होणार भारतीयाची सुटका
Just Now!
X