भारतीय वृद्धास मारहाण करून त्याला जायबंदी केल्याच्या प्रकरणी अमेरिकी पोलीस अधिकाऱ्यास अटक करण्यात आली असून, एफबीआयने या प्रकरणी चौकशीचे आदेश दिले आहेत. सुरेशभाई पटेल यांना संशयित समजून या पोलीस अधिकाऱ्याने मारहाण केली होती. दरम्यान, पटेल यांच्या कुटुंबाने नुकसानभरपाईसाठी दावा दाखल केला आहे.मॅडिसन शहर पोलीसप्रमुख लॅरी म्युनसे यांनी सुरेशभाई पटेल यांची माफी मागितली आहे. दोन पोलीस अधिकाऱ्यांनी सुरेशभाई पटेल यांना जबर मारहाण केली होती. त्यांना इंग्रजी येत नसल्याने या पोलिसांनी विचारलेल्या प्रश्नांना ते उत्तरे देऊ शकले नाहीत. दरम्यान, फेडरल ब्युरो ऑफ इन्व्हेस्टिगेशन (एफबीआय) या प्रकरणी चौकशी करीत आहे.
