05 December 2020

News Flash

एक इंचही भूमी हिसकावू देणार नाही -संरक्षणमंत्री

चीनसमवेत सीमेवरील तणाव संपुष्टात यावा आणि शांतता प्रस्थापित व्हावी अशी भारताची इच्छा आहे

| October 26, 2020 03:06 am

दार्जिलिंगच्या सुकना भागातील भारतीय लष्कराच्या ३३ व्या तुकडीच्या मुख्यालयात संरक्षणमंत्री राजनाथ सिंह यांच्या हस्ते रविवारी शस्त्रपूजन करण्यात आले. या वेळी लष्करप्रमुख मनोज नरवणे उपस्थित होते.

नवी दिल्ली : पूर्व लडाखमध्ये सीमेवर चीनसमवेत निर्माण झालेला तणाव संपुष्टात यावा अशी भारताची इच्छा आहे, असे संरक्षणमंत्री राजनाथसिंह यांनी रविवारी येथे सांगितले. त्याचवेळी भारतीय सैनिक कोणालाही देशाची एक इंचही भूमी हिसकावू देणार नाहीत, असेही संरक्षणमंत्र्यांनी ठामपणे स्पष्ट केले.

पश्चिम बंगालमधील दार्जिलिंग जिल्ह्य़ातील सुकनास्थित मुख्यालयात संरक्षणमंत्र्यांनी दसऱ्यानिमित्त शस्त्रपूजा केली, त्यानंतर ते बोलत होते. सिक्कीममध्ये चीनच्या सीमेवर प्रत्यक्ष नियंत्रण रेषेजवळ असलेल्या शेराथांग येथे राजनाथसिंह पूजा करणार होते, मात्र खराब हवामानामुळे ते तेथे जाऊ शकले नाहीत.

चीनसमवेत सीमेवरील तणाव संपुष्टात यावा आणि शांतता प्रस्थापित व्हावी अशी भारताची इच्छा आहे, त्याचवेळी काही घटना घडत आहेत, मात्र आपले जवान कोणत्याही स्थितीत कोणाला एक इंचही भूमी हिसकावू देणार नाहीत याची आपल्याला खात्री आहे, असेही राजनाथसिंह म्हणाले.

लडाखमध्ये भारत-चीन सीमेवर जे घडले त्यावेळी भारतीय जवानांनी जे शौर्य दाखविले ते इतिहासकार सुवर्णाक्षरांनी लिहून ठेवतील याचा आपल्याला विश्वास आहे, असेही संरक्षणमंत्री म्हणाले.

 

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 26, 2020 3:06 am

Web Title: army will not let anyone take even an inch of our land says rajnath singh zws 70
Next Stories
1 Coronavirus : देशातील करोनामुक्तांचे प्रमाण ९० टक्के
2 सणासुदीत जवानांसाठी दिवा लावा -मोदी
3 मध्य प्रदेशात काँग्रेस आमदाराचा भाजपमध्ये प्रवेश
Just Now!
X