29 May 2020

News Flash

भाजपाची अधिकृत वेबसाईट हॅक, मोदींबद्दल वापरले अक्षेपार्ह शब्द

हॅकरने वेबसाईटवर अक्षेपार्ह शब्द लिहले आहेत.

भारतीय जनता पक्षाची अधिकृत वेबसाईट (http://www.bjp.org/) हॅक झाली आहे. हॅकरने वेबसाईटवर अक्षेपार्ह शब्द लिहले आहेत. याबाबत अद्याप भाजपाकडून कोणतेही स्पष्टीकरण आलेले नाही.

प्रसारमाध्यमांच्या वृत्तानुसार, मंगळवारी सकाळी साडेअकरा वाजता वेबसाईट हॅक झाली आहे. हॅकरने वेबसाईटवर नरेंद्र मोदी आणि जर्मनीच्या चांसलर एंजेला मर्केल यांचा एक व्हिडीओ पोस्ट केला आहे. तसेच या व्हिडीओवर अक्षेपार्ह शब्द वापरण्यात आले आहेत. सध्या वेबसाइटवर क्लिक केल्यानंतर एक एरर मेसेज दिसत आहे. वेबसाइट हॅक झाल्याची जोरदार चर्चा सध्या सोशल मीडियावर सुरू आहे.

काँग्रेस पक्षाच्या सोशल मीडियावर प्रभारी दिव्य स्पंदना यांनी याबबात ट्विट केले आहे.

वेबसाईट हॅक झाल्यानंतर त्यावर एक अक्षेपार्ह व्हिडीओ दिसत होता. काही वेळानंतर वेबसाईट पूर्णपणे बंद झाली आहे. २० फेब्रुवारी रोजी छत्तीसगढ भाजपाची वेबसाईट हॅक झाली होती. २६ डिसेंबर १९९५ रोजी भाजपाची वेबसाईट सुरू झाली होती. १० ऑक्टोबर २०१८ नंतर वेबसाईटवर काहीही अपडेट केलेले नाही.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 5, 2019 12:27 pm

Web Title: bjp website hacked narendra modi memes added with bohemian rhapsody
Next Stories
1 दिग्विजय सिंह पुलवामा दहशतवादी हल्ल्याला म्हणाले दुर्घटना
2 ट्रम्प यांचा भारताला आर्थिक झटका! व्यापारातील प्राधान्य संपवणार
3 मॉर्निंग बुलेटिन : पाच महत्त्वाच्या बातम्या
Just Now!
X