सावधान! मोबाइलमध्ये विजेचा फोटो काढणं जीवावर, अंगावर वीज पडून एकाचा मृत्यू

मिळालेल्या माहितीनुसार, एच.एम.रमेश या ४३ वर्षीय व्यक्तीचा या घटनेमध्ये मृत्यू झाला आहे. ते चेन्नईचे रहिवासी होते. ते सुन्नमपुकुलम येथील त्यांच्या एका मित्राच्या शेतात गेले असताना ही घटना घडली. बुधवारी दुपारी साडेतीनच्या सुमारास विजा चमकत असताना रमेश यांनी आपल्या स्मार्टफोनमध्ये विजांचा फोटो काढण्याचा प्रयत्न केला. फोटो काढण्याच्या प्रयत्नात असतानाच विज रमेश यांच्यावर पडली आणि ते खाली कोसळले.

मित्रांनी त्यांना वाचवण्याचा प्रयत्न केला, पण उपचारासाठी रुग्णालयात दाखल करण्यापूर्वीच त्यांचा मृत्यू झाला होता. रमेश यांच्या पश्चात पत्नी आणि एक १३ वर्षांची मुलगी आहे. या घटनेनंतर थिरुवल्लूर जिल्हा पोलिसांनी नागरिकांना विजांचे फोटो न काढण्याच्या सूचना केल्या आहेत.