News Flash

“…आम्ही सत्याग्रही अन्नदात्यासोबत”; काँग्रेस नेते राहुल गांधी यांचं ट्वीट

काँग्रेस नेते आणि खासदार राहुल गांधी यांनी केंद्र सरकारवर टीकास्त्र सोडलं आहे. कृषी कायद्यांवरून सरकारला खडे बोल सुनावले आहेत.

Rahul Gandhi Tweet
कृषी कायद्यांवरून काँग्रेस नेते राहुल गांधी यांचा शेतकऱ्यांना पाठिंबा

काँग्रेस नेते आणि खासदार राहुल गांधी केंद्र सरकारच्या विविध धोरणांवर गेल्या काही दिवसांपासून टीका करत आहेत. कृषी कायद्यांवरून सरकारला खडे बोल सुनावले आहेत. तसेच आंदोलनकर्त्या शेतकऱ्यांसोबत असल्याचं त्यांनी स्पष्ट केलं. शेतकरी आंदोलनाला सात महिने पूर्ण झाले आहेत. या पार्श्वभूमीवर काँग्रेस नेते राहुल गांधी यांनी ट्वीट करत शेतकरी आंदोलनाला पाठिंबा दर्शवला आहे. केंद्राने पारीत केलेल्या तीन कृषी कायद्यांविरोधात २६ नोव्हेंबरपासून शेतकरी आंदोलन करत आहेत. यासाठी दिल्लीच्या सीमेवर शेतकऱ्यांनी ठाण मांडलं आहे. तीन कृषी कायदे रद्द करण्यासोबत धान्याला किमान आधारभूत किंमत मिळावी यासाठी शेतकरी आग्रही आहेत. यावरून गेल्या काही महिन्यात दिल्लीतलं राजकारण चांगलंच ढवळून निघालं आहे.

शेतकरी आंदोलनावर केंद्र सरकारने आपली भूमिका स्पष्ट केली आहे. आंदोलनकर्त्या शेतकऱ्यांशी त्यांनी चर्चेची दार खुली ठेवली आहेत. मात्र कृषी कायदे रद्द करण्यास नकार दिला आहे. शेतकरी नेते आणि सरकारमध्ये चर्चेच्या अनेक फेऱ्या पार पडल्या. मात्र त्यातून कोणताही मार्ग निघाला नाही. आता राहुल गांधी यांनी ट्वीट करत सरकारवर टीका केली आहे. ‘सरळ सरळ आहे. आम्ही सत्याग्रही अन्नदात्यासोबत आहोत’, असं ट्वीट राहुल गांधी यांनी केलं आहे. त्यासोबत FarmersProtest असा हॅशटॅगही दिला आहे.

दुसरीकडे दिल्ली सीमेवर ठाण मांडून बसलेल्या शेतकऱ्यांनी आंदोलनात जीव ओतण्याचा प्रयत्न केला. पंजाबमधून हजारो शेतकरी मोहाली मार्गे चंदीगडला पोहोचले. तर हरयाणातील शेतकऱ्यांनी पंचकूला मार्गे चंदीगडमध्ये प्रवेश केला. यानंतर आंदोलन करण्यात आलं. आंदोलनकर्ते शेतकरी चंदीगडमध्ये जवळपास ६ ते ७ किमी आतमध्ये घुसले. मात्र पोलिसांनी राजभवनजवळ त्यांना रोखलं. काही ठिकाणी शेतकऱ्यांनी बॅरिकेड्स तोडले. तर पोलिसांनी त्यांच्यावर पाण्याचा मारा केला. या दरम्यान काही शेतकरी जखमीही झाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 26, 2021 5:20 pm

Web Title: congress leader rahul gandhi tweet on farmer agitation rmt 84
Next Stories
1 मेनका गांधींबद्दल भाजपा आमदाराच्या आक्षेपार्ह ट्वीटने खळबळ!
2 आज हनुमानाचा राजकीय वध होत असताना राम शांत बसणार नाहीत असा विश्वास – चिराग पासवान
3 अयोध्येचा मास्टर प्लान!; पंतप्रधान नरेंद्र मोदी यांच्या अध्यक्षतेखालील बैठकीत ‘या’ मुद्द्यांवर चर्चा
Just Now!
X