19 October 2020

News Flash

स्वतंत्र तेलंगणाचा निर्णय काँग्रेस कार्यकारिणीवर सोपविला

स्वतंत्र तेलंगणाच्या निर्मितीच्या मुद्दय़ावर अंतिम निर्णय काँग्रेस कार्यकारिणीच्या बैठकीत होणार आहे. काँग्रेसच्या कोअर ग्रुपने स्वतंत्र तेलंगणाविषयी चर्चा केल्यानंतर हा विषय काँग्रेसचे सर्वोच्च व्यासपीठ ठरलेल्या कार्यकारिणीकडे

| July 13, 2013 07:00 am

स्वतंत्र तेलंगणाच्या निर्मितीच्या मुद्दय़ावर अंतिम निर्णय काँग्रेस कार्यकारिणीच्या बैठकीत होणार आहे. काँग्रेसच्या कोअर ग्रुपने स्वतंत्र तेलंगणाविषयी चर्चा केल्यानंतर हा विषय काँग्रेसचे सर्वोच्च व्यासपीठ ठरलेल्या कार्यकारिणीकडे सोपविण्याचे ठरविले, अशी माहिती आंध्र प्रदेश काँग्रेस समितीचे प्रभारी सरचिटणीस दिग्विजय सिंह यांनी कोअर समितीची बैठक संपल्यानंतर पत्रकारांशी बोलताना दिली.
पंतप्रधान मनमोहन सिंग, काँग्रेस अध्यक्ष सोनिया गांधी आणि उपाध्यक्ष राहुल गांधी यांच्या उपस्थितीत झालेल्या काँग्रेस कोअर ग्रुपच्या बैठकीत स्वतंत्र तेलंगणाच्या निर्मितीविषयी चर्चा झाली, पण निर्णय लांबणीवर टाकण्यात आला. स्वतंत्र तेलंगणाविषयी सहमतीसाठी आणखी वेळ हवा असून हा निर्णय काँग्रेस कार्यकारिणीच्या बैठकीत घेतला जाईल, असे दिग्विजय सिंह यांनी सांगितले. स्वतंत्र तेलंगणा राज्याच्या निर्मितीसाठी सर्व राजकीय पक्षांशी सल्लामसलत झाली असून आज कोअर ग्रुपसमोर आंध्र प्रदेशचे मुख्यमंत्री किरणकुमार रेड्डी आणि त्यांच्या सहकाऱ्यांनीही आपले मत मांडले, असे दिग्विजय सिंह म्हणाले.
स्वतंत्र तेलंगणाच्या निर्मितीबद्दल काँग्रेसश्रेष्ठींनी अनुकूलता दाखवली आहे. कोअर ग्रुपच्या बैठकीपूर्वी किरणकुमार रेड्डी यांनी सोनिया गांधी यांच्याशी चर्चा केली. स्वतंत्र तेलंगणाच्या निर्मितीबद्दल काँग्रेसश्रेष्ठींनी अनुकूलता दाखवली असून चालू महिन्याअखेर तेलंगणाच्या निर्मितीविषयी निर्णय घेतला जाईल, अशी अपेक्षा व्यक्त केली जात आहे, पण हा मुद्दा अतिशय गुंतागुंतीचा असल्यामुळे त्यावर आणखी चर्चा व्हावी, असा आग्रह धरला जात आहे. तेलंगणा समर्थक नेत्यांना स्वतंत्र तेलंगणाच हवा आहे, रायलसीमा आणि किनारपट्टीनजीकच्या क्षेत्रातील नेत्यांचा स्वतंत्र तेलंगणाच्या निर्मितीला विरोध आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 13, 2013 7:00 am

Web Title: congress working committee to take decision on telangana issue
Next Stories
1 स्वतंत्र तेलंगणासाठी भाजप बांधील – त्रिवेदी
2 झारखंडमध्ये काँग्रेस सत्तेत सहभागी
3 अश्लील संकेतस्थळांना अटकाव कठीण, केंद्राची सर्वोच्च न्यायालयात कबुली
Just Now!
X