News Flash

पर्यटक महिलेवर बलात्कार करून तिची नृशंस हत्या

दिल्ली येथील एका महिला पर्यटकाची तिच्या मित्रासह निर्घृण हत्या करण्यात आली. मात्र तत्पूर्वी तिच्यावर एका टॅक्सीचालकाने आणि त्याच्या तिघा सहकाऱ्यांनी बलात्कार केला होता, अशी माहिती

| November 12, 2014 01:06 am

दिल्ली येथील एका महिला पर्यटकाची तिच्या मित्रासह निर्घृण हत्या करण्यात आली. मात्र तत्पूर्वी तिच्यावर एका टॅक्सीचालकाने आणि त्याच्या तिघा सहकाऱ्यांनी बलात्कार केला होता, अशी माहिती पोलिसांनी दिली.
दिल्ली येथील एक २७ वर्षीय महिला आपल्या २४ वर्षीय मित्रासह २१ ऑक्टोबर रोजी डेहराडून येथे आली होती. दिवाळी जल्लोषात साजरी करण्यासाठी ती येथे आली होती, मात्र अवघ्या दोनच दिवसांत सदर महिला बेपत्ता झाल्याची तक्रार पोलीस ठाण्यात नोंदवण्यात आली, अशी माहिती विकासनगर सर्कलचे अधिकारी स्वपन किशोर यांनी दिली.
या प्रकरणी चार आरोपींची चौकशी केली असता टॅक्सीचालक राजू, बबलू, गुड्डू आणि कुंदन या चौघांनी आपल्या गुन्ह्य़ाची कबुली दिली. येथून ३० किलोमीटर अंतरावर असलेल्या चक्राता धबधब्याहून सदर महिला आणि तिचा मित्र दोघेही २३ ऑक्टोबरच्या रात्री परत येत होते. त्या वेळी आपण दोघांकडील सर्व मुद्देमाल लंपास केला आणि त्या २७ वर्षीय महिलेवर बलात्कार करून तिची हत्या केली, अशी कबुली या चौघांनी दिली.
या दुर्दैवी महिलेच्या मित्राचा मृतदेह उत्तरकाशी जिल्ह्य़ातील पुरोला येथे सापडला. मृतदेहाची ओळख पटली आणि हे हत्याकांड उजेडात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 12, 2014 1:06 am

Web Title: delhi based tourist allegedly raped and murdered by taxi driver in dehradun
Next Stories
1 दूध भेसळ करणाऱ्यांना जन्मठेपेची शिक्षा?
2 शरीफ यांच्या निवासस्थानाजवळ‘इस्लामिक स्टेट’ची पोस्टर्स
3 मलेशियाचे एमएच-३७० विमान‘बेपत्ता’ घोषित करणार?
Just Now!
X