News Flash

भाजपा खासदार मनोज तिवारी यांच्या विरोधात FIR

सीलबंद घराचे कुलुप तोडल्याप्रकरणी मनोज तिवारींविरोधात कारवाई

भाजप खासदार आणि दिल्लीचे प्रदेशाध्यक्ष मनोज तिवारी

दिल्ली भाजपाचे प्रदेशाध्यक्ष आणि खासदार मनोज तिवारी विरोधात गुन्हा नोंदवण्यात आला आहे. याप्रकरणी गोकुळपुरी पोलीस ठाणे परिसरात असलेल्या एका सीलबंद घराचे टाळे तोडल्याप्रकरणी त्यांच्याविरोधात एफआयआर दाखल करण्यात आली आहे. दिल्ली महापालिकेने एका घराला सील लावले होते. कारण त्या घरात बेकायदेशीर पद्धतीने डेअरी सुरु करण्यात आली होती. दिल्लीतील मास्टर प्लानच्या नियमांचे उल्लंघन करण्यात आल्याने ही कारवाई करण्यात आल्याचीही माहिती मिळते आहे.

ही डेअरी ज्या घरात होती त्या घराला सील लावण्यात आले होते. मात्र मनोज तिवारी यांनी सीलबंद कुलुप फोडले ज्यामुळे महानगरपालिकेने त्यांच्याविरोधात तक्रार दाखल केली. सोमवारी ही घटना घडल्यानंतर आज त्यांच्याविरोधात FIR नोंदवण्यात आली. मनोज तिवारी यांनी गोकुळपुरी भागाचा दौरा केला होता. त्यावेळी स्थानिकांनी त्यांना सांगितले की महापालिकेने तिथे असलेल्या एका घराला सीलबंद केले आहे. हे कळल्यावर मनोज तिवारी यांनी सीलबंद कुलुप फोडले होते. एकाच घरावर कारवाई का झाली? महापालिका कारवाई करताना पक्षपात करते आहे का? असा प्रश्न तिवारी यांनी विचारला होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 18, 2018 5:53 pm

Web Title: fir registered under sections 181 of ipc and 461 465 dmc act against delhi bjp chief manoj tiwari
Next Stories
1 गोळी मारणार असाल तर मारा, प्रश्न विचारु नका; शहीद जवानाचं दहशतवाद्यांना उत्तर
2 माशांसाठी दोन देशात वाद, पाच जणांचा मृत्यू
3 राफेल करारामधून हिंदुस्थान एरॉनॉटिक्सचा पत्ता काँग्रेसच्या काळातच कट झाला – निर्मला सीतारामन
Just Now!
X