News Flash

‘नानकाना साहिब’वरील हल्ल्याचा इम्रान खान यांच्याकडून निषेध

‘नानकाना येथील निषेधार्ह घटना आणि भारतभर सध्या मुस्लीम व इतर अल्पसंख्याक यांच्यावर सुरू असलेले हल्ले यात मोठा फरक आहे.

(संग्रहित छायाचित्र)

 

नानकाना साहिब येथे अलीकडेच झालेल्या विध्वंसाच्या घटनेचा पाकिस्तानचे पंतप्रधान इम्रान खान यांनी रविवारी निषेध केला. ही बाब आपल्या ‘दृष्टिकोनाच्या’ विरुद्ध असून, यात गुंतलेल्या लोकांबाबत सरकार अजिबात सहिष्णुता दाखवणार नाही, असे ते म्हणाले.

‘गुरुद्वारा जन्मस्थान’ या नावानेही ओळखला जाणारा गुरुद्वारा नानकाना साहिब हे लाहोरजवळील शिखांचे पहिले गुरू गुरुनानक यांचे जन्मस्थळ आहे. माध्यमांच्या वृत्तांनुसार, एका हिंसक जमावाने शुक्रवारी या गुरुद्वारावर हल्ला करून दगडफेक केली होती. परिस्थिती नियंत्रणात आणण्यासाठी पोलिसांना हस्तक्षेप करावा लागला होता.

‘नानकाना येथील निषेधार्ह घटना आणि भारतभर सध्या मुस्लीम व इतर अल्पसंख्याक यांच्यावर सुरू असलेले हल्ले यात मोठा फरक आहे. नानकानाची घटना माझ्या दृष्टिकोनाच्या विपरीत असून; पोलीस व न्यायपालिका यांसह माझे सरकार ती मुळीच खपवून घेणार नाही’, असे ट्वीट इम्रान यांनी केले.

भारतीय पंतप्रधान नरेंद्र मोदी यांचा दृष्टिकोन अल्पसंख्याकांची दडपशाही करण्याचा आणि मुस्लिमांविरुद्ध ठरवून हल्ले करण्याचा आहे, असाही दावा इम्रान खान यांनी केला. सरकारचे पाठबळ असलेले भारतीय पोलीस मुस्लिमांविरुद्धच्या हल्ल्याचे नेतृत्व करत असल्याचाही आरोप त्यांनी केला.

भारताने या पवित्र गुरुद्वारातील विध्वंसाचा जोरदार निषेध केला असून; तेथील शीख समुदायाची सुरक्षितता निश्चित करण्यासाठी तत्काळ पावले उचलण्याचे आवाहन पाकिस्तान सरकारला केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 6, 2020 12:32 am

Web Title: imran khan protests attack on nankana sahib abn 97
Next Stories
1 इराकच्या संसदेचा परकीय फौजांना देशात प्रतिबंध करण्याचा ठराव
2 ‘जेएनयू’मध्ये हाणामारी; जेएनयूएसयूच्या अध्यक्षावर हल्ला
3 CAA : राहुल, प्रियंका, केजरीवाल यांनी दंगली घडवल्या; अमित शाह यांचा आरोप
Just Now!
X