News Flash

बिल्डर दिवाळखोरीत निघाल्यास ग्राहकांना मिळणार संपत्तीत वाटा

बुकिंग केल्यानंतरही घराचा ताबा मिळालेला नाही अशा ग्राहकांना हा वाटा मिळणार आहे

केंद्रीय मंत्रिमंडळाच्या बैठकीत घर खरेदी करणाऱ्यांसाठी दिलासा देणारा निर्णय घेण्यात आला आहे. या निर्णयानुसार एखादा बिल्डर दिवाळखोरीत निघाला तर त्याच्या संपत्तीत ग्राहकांनाही वाटा मिळणार आहे. बुकिंग केल्यानंतरही घराचा ताबा मिळालेला नाही अशा ग्राहकांना हा वाटा मिळणार आहे. आता त्याला किती वाटा द्यायचा हे त्या बिल्डरने किती कर्ज घेतलं आहे या रकमेवर अवलंबून असणार आहे. केंद्रीय मंत्रिमंडळात यासंबंधी अध्यादेश काढण्यात आला आहे.

एखादा बिल्डर दिवाळखोरीत निघाला तर त्याने ज्या बँकेंकेडून कर्ज घेतलं आहे, त्या बँकेचा संपत्तीवर सर्वात पहिला हक्क असतो अशी कायद्यात तरतूद आहे. मात्र आता या कायद्यात बदल करण्यात आला आहे. नव्या कायद्यानुसार संबंधित बिल्डरच्या संपत्तीत घर खरेदीदारांचाही वाटा असणार आहे.

घरासाठी पैसे भरुनही ताबा मिळालेला नसलेल्या ग्राहकांना वाऱ्यावर सोडलं जाऊ शकत नाही असं दिवाळखोरी कायदा सुधारणा समितीनं स्पष्ट केलं आहे. घर खरेदी करूनही त्याचा ताबा न मिळालेल्या ग्राहकांना बिल्डरच्या संपत्तीतील वाटा मिळावा, अशी शिफारस समितीकडून करण्यात आली होती. ही शिफारस मान्य करण्यात आली असून त्यानुसार बदल करण्यात आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 23, 2018 4:40 pm

Web Title: investors to get share if builder goes bankrupt
Next Stories
1 मौल्यवान आणि इनामी!
2 विक्रमी उत्पादन आणि इंधन भाववाढीच्या कात्रीत शेतकरी
3 म्युच्युअल फंडातील योजनांची नवीन वर्गवारी
Just Now!
X