News Flash

भ्रष्टाचार करणाऱ्यांना तुरुंगवास अटळ, एकालाही सोडणार नाही-पंतप्रधान

भ्रष्टाचार केल्याने तीन माजी मुख्यमंत्री तुरुंगात

पंतप्रधान नरेंद्र मोदी, संग्रहित छायाचित्र

भ्रष्टाचार जो कोणीही करेल त्याला तुरुंगात टाकणार ही काळ्या दगडावरची रेष आहे. भ्रष्टाचार करणारी व्यक्ती कोणीही असो, त्या व्यक्तीला सोडणार नाही.  देशात सध्याच्या घडीला भ्रष्टाचार करणारे तीन माजी मुख्यमंत्री तुरुंगात आहेत. यापुढे एकाही भ्रष्टाचारी माणसाला माफ करणार नाही अशी गर्जनाच आज पंतप्रधान नरेंद्र मोदी यांनी केली. दिल्लीत झालेल्या एनसीसीच्या कार्यक्रमात ते बोलत होते.

भ्रष्टाचार आणि काळा पैसा या विरोधात सुरु झालेली लढाई त्याचे उच्चाटन होईपर्यंत थांबणार नाही. या लढाईत तरुणाईने सहभाग घेतला पाहिजे असेही आवाहन पंतप्रधान नरेंद्र मोदी यांनी केले. एक काळ असा होता की भ्रष्टाचाराची चर्चा होत असे आणि लोक म्हणत असत की यात तर मोठ्या लोकांची नावे आहेत त्यांना काहीही होणार नाही. पण सध्या तीन माजी मुख्यमंत्री भ्रष्टाचार केल्यामुळेच तुरुंगात आहेत असेही नरेंद्र मोदी यांनी म्हटले आहे. कोणी किती ताकदीचा असो, त्याचे वर्तन जर भ्रष्ट असेल त्याने भ्रष्टाचार केला असेल तर त्या व्यक्तीला तुरुंगात धाडणारच असेही मोदी यांनी यावेळी स्पष्ट केले.

सध्याच्या घडीला भ्रष्टाचार केल्याप्रकरणी बिहारचे माजी मुख्यमंत्री लालूप्रसाद यादव, माजी मुख्यमंत्री जगन्नाथ मिश्र आणि हरयाणाचे माजी मुख्यमंत्री ओमप्रकाश चौटाला या तिघांचीही रवानगी तुरुंगात करण्यात आली आहे. भ्रष्टाचाराविरोधात सुरु असलेली लढाई थांबणार नाही. भ्रष्टाचाराची कीड देश पोखरते आहे. त्यापासून देशाचे रक्षण करायचे असेल तर तरूणाईने पुढे यायलाच हवे असेही पंतप्रधान नरेंद्र मोदी यांनी म्हटले आहे. याचवेळी पंतप्रधान नरेंद्र मोदी यांनी भीम अॅप डाऊनलोड करण्याचे आवाहन केले. तसेच व्यवहार डिजिटल व्यवहार करा असेही आवाहन केले जेणेकरून देणे-घेणे व्यवहारात पारदर्शकता येईल असेही मोदी यांनी म्हटले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 28, 2018 10:25 pm

Web Title: it does not matter how much power one has if someone is corrupt he or she will be punished says pm modi
Next Stories
1 अभिनेत्री तमन्ना भाटियाच्या दिशेने बूट भिरकावला, तरूण ताब्यात
2 हिंमत असेल तर मोहम्मद पैगंबरांवर सिनेमा काढून दाखवा, गिरीराज सिंह यांचे संजय लीला भन्साळींना आव्हान
3 देशात पहिल्यांदाच जुम्मा नमाजाचे नेतृत्त्व करणाऱ्या जमिदा टीचरना जीवे मारण्याच्या धमक्या
Just Now!
X