जम्मू-काश्मीरमधील कुपवाडा जिल्ह्यात घुसखोरी करण्याच्या प्रयत्नात असलेल्या तीन दहशतवाद्यांना अटक केली आहे. कुपवाडा येथील करनाह येथे घुसखोरी करत भारतीय सीमेत येण्याचा प्रयत्न करत होते. त्याचवेळी लष्कराने त्यांना अटक केली. मिळालेल्या माहितीनुसार, लष्कराने प्रारंभी चौकशी केल्यानंतर तिनही दहशतवाद्यांना पोलिसांच्या हवाली केले. या तिघांविरोधात गुन्हा दाखल झाला आहे. या तिघांकडून मोठ्याप्रमाणात हत्यारे, दारूगोळा जप्त करण्यात आला आहे. हे तिघेही भारताचे रहिवासी असून दहशतवादी प्रशिक्षणासाठी ते पाकिस्तानात गेले होते, असे सांगण्यात येते.
