जम्मू-काश्मीरमध्ये दहशतवाद्यांविरोधात जवानांचे अभियान सुरू आहे. आज पहाटे पाच वाजता नगरोटा येथील बान टोल नाक्याजवळ ट्रकमधून आलेल्या दहशतवाद्यांमध्ये व जवानांमध्ये जोरदार चकमक झाली. ज्यामध्ये चार दहशतवाद्यांचा खात्मा करण्यात जवानांना यश आलं. या चकमकीनंतर संपूर्ण परिसरात कडकोट बंदोबस्त ठेवण्यात आला आहे. शिवाय, जवानांकडून सर्व वाहनांची तपासणी देखील केली जात आहे. #UPDATE: Four terrorists neutralised and one Police Constable injured in the encounter at Ban Toll Plaza in Jammu. — ANI (@ANI) November 19, 2020 दरम्यान गुप्तचर विभागाकडून मिळालेल्या माहितीनुसार, जवानांनी नगरोटा भागात जागोजागी बंदोबस्त ठेवला होता. वाहनांची तपासणी केली जात असतानाच, ट्रकमधून आलेले दहशतवादी जंगलाकडे पळू लागले. यावेळी जवान व दहशतवाद्यांमध्ये चकमक सुरू झाली. #WATCH Jammu and Kashmir: An encounter is underway near Ban toll plaza in Nagrota, Jammu. Security tightened, Jammu-Srinagar National Highway closed. More details awaited. (Visuals deferred by unspecified time) pic.twitter.com/PYI1KI0ykH — ANI (@ANI) November 19, 2020 या चकमकीत चार दहशतवादी ठार केले गेले. नंतर जम्मू-श्रीनगर महामार्ग देखील बंद करण्यात आला. प्राप्त माहितीनुसार हे दहशतवादी ट्रकद्वारे जम्मू-श्रीनगर मार्गाने काश्मीरला जात होते. याच दरम्यान टोल नाक्यावर सुरू असलेली वाहनांची तपासणी पाहून ते जंगलात पळ काढत असतानाच, चकमक सुरू झाली.