जम्मू-काश्मीरमध्ये जवानांना मोठा दहशतवादी हल्ला परतवून लावण्यात यश आले आहे. श्रीनगरमधील परिम पोरा भागातील लष्कराच्या चेक पोस्टवर हा दहशतवादी हल्ला झाला होता. ज्यामध्ये सीआरपीएफचा एक जवान शहीद झाला. यानंतर जवानांकडून देण्यात आलेल्या चोख प्रत्युत्तरात दोन दहशतवाद्यांचा खात्मा झाला. #UPDATE J&K: One injured terrorist has been apprehended by security forces, in Parim Pora, Srinagar. Arms & ammunition recovered. — ANI (@ANI) February 5, 2020 विशेष म्हणजे या परिसरात जवानांनी राबवलेल्या शोधमोहीमेनंतर एका जखमी दहशतवाद्यास पकडण्यात देखील यश आले. शिवाय, घटनास्थळावरून मोठ्याप्रमाणावर शस्त्रसाठा देखील जप्त करण्यात आला आहे. या अगोदर जम्मू काश्मीरमध्ये चकमकीदरम्यान तीन दहशतवाद्यांना ठार करण्यात आलं होतं. दहशतवाद्यांनी अगोदर पोलिसांवर गोळीबार केल्यानंतर ते घनदाट जंगलाच्या दिशेने पसार झाले होते. दरम्यान एक दहशतवादी गोळीबारात ठार झाला होता, तर दोघे पळून जाण्यात यशस्वी झाले होते. नंतर झालेल्या चकमकीत इतर दोन दहशतवाद्यांचाही खात्मा करण्यात आला. या कारवाईत एक पोलीस कर्मचारी जखमी झाला होता.