22 September 2020

News Flash

JNU Attack: ट्विट करण्याचे पैसे मिळाले का? तिच्या प्रश्नावर तापसीचं भन्नाट उत्तर

JNU Attack: तापसी कायम चालू घडामोडी, सामाजिक मुद्द्यांवर मत व्यक्त करत असते

Taapsee Pannu : JNU Attack तापसी पन्नू

दिल्लीतील जवाहरलाल नेहरु विद्यापीठ (JNU) रविवारी झालेल्या प्राणघातक हल्ल्यानंतर देशभरातून संताप व्यक्त केला जात आहे. मुंबई, पुण्यासह देशाच्या विविध भागात तीव्र पडसाद उमटू लागले आहेत. या प्रकरणी आता बॉलिवूड सेलिब्रिटींनीदेखील त्यांची मतं व्यक्त केली आहेत. बऱ्याच सेलिब्रिटींनी सोशल मीडियाचा आधार घेत त्यांची मत मांडली आहेत. यात अभिनेत्री तापसी पन्नूनेदेखील ट्विटरच्या माध्यमातून तिचं मत मांडलं होतं. मात्र काही नेटकऱ्यांनी तिला ट्रोल केलं. परंतु ट्रोल करणाऱ्यांना तापसीने सडेतोड उत्तर दिलं आहे.

चालू घडामोडी व सामाजिक,राजकीय मुद्द्यांवर वक्तव्य करणाऱ्या तापसीने अलिकडेच एक ट्विट केलं होतं. त्यावर “अरे आता मला एक आठवलं, तापसी काल तू जे ट्विट केलं होतं त्याचे पैसे तुला मिळाले की नाही? असा खोचक सवाल एका नेटकऱ्याने तापसीला केला. यावर तापसीने भन्नाट उत्तर दिलं.


“नाही ताई, माझी विवेकबुद्धी खरेदी करण्यासाठी तुझे विधान खूप संकुचित मनोवृत्तीचे आहे. मी असे लहानसहान करार करत नाही. याच कारणामुळे मी तो करार रद्द केला. पुढच्या वेळी कोणतंही ट्विट करताना प्रगल्भ विचार कर आणि ट्विट कर, असं सडेतोड उत्तर तापसीने दिलं.

काय होतं तापसीचं ट्विट

तापसीने अलिकडेच ट्विट केलं होतं. यात दोन माणसं एकमेकांशी मारामारी करताना दिसत होते. या दोघांपैकी एक व्यक्ती तापसी असल्याचं या फोटोवर लिहीलं होतं. ते पाहिल्यानंतर तापसीने हा फोटो शेअर केला आणि “ओह नो! मी यासाठी तुम्हाला पूर्ण पैसे दिले होते. मात्र तुम्ही काम पूर्ण करु शकला नाहीत. त्यामुळे यापुढे पोस्ट करताना मी तुमचे पैसे कापणार”, असं मजेशीर कॅप्शन या फोटोला दिलं होतं. तिचं हे ट्विट पाहिल्यानंतर अनेकांनी तिला ट्रोल करण्यास सुरुवात केली. इतकंच नाही तर जेएनयूमध्ये झालेल्या प्राणघातक हल्ल्याविषयी ट्विट करण्यासाठीदेखील तिने पैसे घेतल्याचं म्हटलं जात होतं. तसंच ती भारतीय आहे की नाही असेही प्रश्न विचारण्यात आले होते. मात्र या साऱ्यावर तापसीने सडेतोड उत्तर दिलं आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 7, 2020 11:52 am

Web Title: jnu attack how much price you take for a tweet on jnu violence troll ask the question to taapsee pannu here are back fired ssj 93
टॅग JNU Issue
Next Stories
1 JNU Violence: जेएनयू विद्यार्थी संघाची अध्यक्ष आयेषी घोषसह १९ जणांवर गुन्हा दाखल
2 JNU Protest : मुंबईतील आंदोलन मागे
3 काश्मीर भारतापासून स्वतंत्र करण्याची भाषा सहन केली जाणार नाही – संजय राऊत
Just Now!
X