केरळमधील ननवरील बलात्काराप्रकरणी फ्रँको मुलक्कल याला केरळ हायकोर्टाने सशर्त जामीन मंजूर केला आहे. २०१४ ते २०१६ या दोन वर्षात बिशप फ्रँकोने बलात्कार केल्याचा आरोप ननने केला होता. ननवरील बलात्काराप्रकरणी बिशप फ्रँको मुलक्कल याला सप्टेंबर महिन्यात केरळ पोलिसांनी अटक केली होती. २०१४ ते २०१६ या दोन वर्षात बिशप फ्रँकोने बलात्कार केल्याचा आरोप ननने केला होता. सध्या फ्रँको मुलक्कल हा न्यायालयीन कोठडीत असून त्याने केरळ हायकोर्टात जामीन अर्ज केला होता. या अर्जावर सोमवारी सुनावणी झाली असून हायकोर्टाने त्याला सशर्त जामीन मंजूर केला आहे. हायकोर्टाने फ्रँको मुलक्कलला सशर्त जामीन मंजूर केला. केरळ हायकोर्टाने मुलक्कल याला जामीन मंजूर करताना केरळमध्ये प्रवेश करु नये, तसेच न्यायालयात पासपोर्ट जमा करावा, असे आदेश दिले आहेत. दरम्यान, फ्रँको मुलक्कलच्या कोठडीसाठी पोलिसांनी कोर्टात वैद्यकीय अहवालाचा दाखला दिला होता. यात वैद्यकीय चाचणीतून महिलेवर अत्याचार केल्याचे उघड झाल्याचे म्हटले होते. फ्रँको मुलक्कल याने अधिकाराचा गैरवापर करत ननवर बलात्काराचा केल्याचे यात म्हटले होते. तीन दिवस कसून चौकशी केल्यानंतर पोलिसांनी मुलक्कलला अटक केली होती. या आरोपानंतर फ्रँको मुलक्कलला बिशप पदावरुन मुक्त करण्यात आले होते.
