बिहारमध्ये भाजपविरोधी आघाडीत माजी मुख्यमंत्री जितनराम मांझी यांना घ्यावे, असा प्रस्ताव राजदचे नेते लालूप्रसाद यादव यांनी औपचारिकपणे जद(यू)चे अध्यक्ष शरद यादव आणि सपाचे अध्यक्ष मुलायमसिंह यादव यांच्यासमोर शुक्रवारी एका बैठकीत मांडला. लालूप्रसाद यांच्या प्रस्तावामुळे जनता परिवाराच्या विलीनीकरणाच्या प्रक्रियेला खीळ बसण्याची शक्यता वर्तविण्यात येत आहे. बिहारचे मुख्यमंत्री नितीशकुमार शुक्रवारी दिल्लीत असूनही ते या बैठकीकडे फिरकलेच नाहीत.
