25 September 2020

News Flash

भाजपात आडवाणी युगाचा अस्त ?

१९९८ पासून गांधीनगर मतदार संघाचे प्रतिनिधित्व करणाऱ्या आडवाणी यांच्या ऐवजी भाजपाने या मतदार संघातून अमित शाह यांना उमेदवारी दिली आहे.

लालकृष्ण आडवाणी (संग्रहित छायाचित्र)

लोकसभा निवडणुकीसाठी भाजपाने गुरुवारी १८४ उमेदवारांची यादी जाहीर केली असून यात लालकृष्ण आडवाणी यांना स्थान मिळालेले नाही. लालकृष्ण आडवाणी यांच्या गांधीनगर मतदार संघातून भाजपाने राष्ट्रीय अध्यक्ष अमित शाह यांना उमेदवारी दिल्याने भाजपामध्ये आडवाणी यांच्या राजकीय पर्वाचा अस्त झाल्याची चर्चा सुरू झाली आहे.

भाजपाने गुरुवारी लोकसभा निवडणुकीसाठी उमेदवारांची पहिली यादी जाहीर केली असून यात पंतप्रधान नरेंद्र मोदी, नितीन गडकरी, राजनाथ सिंह, अमित शाह यांना स्थान मिळाले आहे. १९९८ पासून गांधीनगर मतदार संघाचे प्रतिनिधित्व करणाऱ्या आडवाणी यांच्या ऐवजी भाजपाने या मतदार संघातून अमित शाह यांना उमेदवारी दिली आहे. त्यामुळे ९१ वर्षीय आडवाणी यांना सक्तीची निवृत्ती दिल्याची सुरू झाली आहे.

भारतीय जनता पक्षात पूर्वी अटल बिहारी वाजपेयींच्या खालोखाल आडवाणींचे स्थान होते. भाजपाच्या राजकीय प्रवासात आडवाणी यांचे मोलाचे योगदान होते. १९९१ मध्ये पहिल्यांदा गांधीनगरमधून निवडून आल्यानंतर आडवाणी यांनी रथयात्रा काढली होती. राम मंदिरसाठी त्यांनी ही रथ यात्रा काढली होती आणि या रथयात्रेने भारतीय राजकारणाची दिशा बदलली होती.  २०१४ मध्ये नरेंद्र मोदी यांची पंतप्रधानपदाचे उमेदवार म्हणून निवड झाली आणि आडवाणी याचे पंतप्रधानपदाचे स्वप्न पुन्हा एकदा भंगले.

लालकृष्ण आडवाणी यांनी स्वतः देखील यंदाची निवडणूक लढवणार नाही अशी भूमिका घेतली होती, असे समजते. आडवाणी यांची त्यांचा मुलगा किंवा मुलगी यांना उमेदवारी मिळावी अशी इच्छा असल्याचे समजते.  आता आडवाणी यांना दुसऱ्या मतदार संघातून उमेदवारी दिली जाते की त्यांच्या कुटुंबातून कोणाला संधी दिली जाते, याकडे सर्वांचे लक्ष लागले असून आडवाणी यांना लोकसभेची उमेदवारी न मिळाल्यास भाजपामध्ये आडवाणी युगाचा अस्त होईल. लालकृष्ण आडवाणींसह मुरली मनोहर जोशी यांना देखील यंदाच्या निवडणुकीत तिकीट मिळणार की नाही, याबाबतही राजकीय वर्तुळात चर्चा रंगली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 22, 2019 7:57 am

Web Title: lok sabha election 2019 amit shah replaced lal krishna advani in gandhi nagar
Next Stories
1 शेतमजुरी क्षेत्रातील रोजगारात ४० टक्क्यांनी घट
2 पाकिस्तानची पुन्हा आगळीक ; गोळीबारात एक भारतीय जवान शहीद
3 बर्मिगहॅममधील मशिदींवरील हल्ल्याचा तपास
Just Now!
X