20 January 2021

News Flash

विना मंत्रिमंडळ सर्वाधिक काळ सरकार चालवण्याचा रेकॉर्ड ‘या’ मुख्यमंत्र्यांच्या नावावर

यापूर्वी येडियुरप्पा यांनी २५ दिवसांनंतर मंत्रिमंडळाची स्थापना केली होती.

सर्वाधिक काळ विना मंत्रिमंडळ सरकार चालवणारे मुख्यमंत्री हा रेकॉर्ड मध्य प्रदेशचे मुख्यमंत्री शिवराज सिंग चौहान यांच्या नावावर झाला आहे. मुख्यमंत्री शिवराज सिंग चौहान यांच्या सरकारला आता २६ दिवसांचा कालावधी पूर्ण झाला आहे. त्यांनी मुख्यमंत्रीपदाची शपथ घेतल्यानंतर लगेचच देशात लॉकडाउन जाहीर करण्यात आलं होतं. त्यामुळे त्यांना मंत्रिमंडळाची स्थापना करता आली नव्हती.
यापूर्वी कर्नाटकचे मुख्यमंत्री बीएस युडियुरप्पा यांनी २५ दिवस मंत्रिमंडळाविना सरकार चालवलं होतं आणि २६ व्या दिवशी मंत्रिमंडळाची स्थापना केली होती. दरम्यान, देशभरात तसंच मध्य प्रदेशात सुरू असलेल्या करोनाच्या प्रादुर्भावामुळे शिवराज सिंग चौहान यांना मंत्रिमंडळाची स्थापना करता आली नाही. तसंच कोणत्याही मंत्रिमंडळाशिवाय सरकार चालवणारे ते देशातील पहिले मुख्यमंत्री ठरले आहेत.
काँग्रेसच्या २२ बंडखोर आमदारांनी राजीनामा दिल्यानंतर कमलनाथ यांच्या नेतृत्वाखालील सरकार अल्पमतात आलं होतं. त्यानंतर शिवराज सिंग चौहान यांनी २३ मार्च रोजी संध्याकाळी मुख्यमंत्रीपदाची शपथ घेतली. त्यानंतर २४ मार्च रोजी संध्याकाळी पंतप्रधान नरेंद्र मोदी यांनी देशभरात २१ दिवसांचं लॉकडाउन जाहीर केलं होतं. त्यामुळे शिवराज सिंग चौहान यांना मंत्रिमंडळाची स्थापना करता आली नव्हती. दरम्यान १४ एप्रिल रोजी लॉकडाउननंतर ते मंत्रिमंडळाची स्थापना करतील अशा चर्चा सुरू होत्या. परंतु आता लॉकडाउनचा कालावधी ३ मे पर्यंत वाढवण्यात आला आहे. त्यामुळे आता ते मंत्रिमंडळाची स्थापना कधी करतील हे पाहावं लागणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 17, 2020 4:28 pm

Web Title: madhya pradesh cm shivraj singh chauhan record run government without cabinet coronavirus lockdown jud 87
टॅग Coronavirus
Next Stories
1 ‘मोदी सरकार गरिबांसाठी हेलिकॉप्टरमधून पैसे पाडणार’, असं वृत्तांकन करणाऱ्या न्यूज चॅनेलला नोटीस
2 धक्कादायक, विवाहित महिलेने रेशन दुकानदारावर केला बलात्काराचा आरोप
3 “तुमच्या धमक्यांना घाबरुन घरी बसायला मी झायरा वसीम नाही”, बबिता फोगटचं सणसणीत उत्तर
Just Now!
X