27 February 2021

News Flash

१०० ते २०० भारतीय असलेली नौका समुद्रात बेपत्ता

भारतीय स्थलांतरितांची नौका समुद्रातून बेपत्ता झाली आहे. १०० पेक्षा जास्त भारतीय स्थलांतरित या नौकेमध्ये आहेत.

(संग्रहित छायाचित्र)

केरळच्या मुनामबाम बंदरातून १२ जानेवारीला भारतीय स्थलांतरीतांना घेऊन निघालेली मासेमारी नौका बेपत्ता झाली आहे. १०० ते २०० भारतीय या नौकेमध्ये आहेत. न्यूझीलंडच्या दिशेने ही नौका जात असावी असा भारतीय पोलिसांनी अंदाज व्यक्त केला आहे. नवी दिल्ली आणि तामिळनाडूमधील नागरीक या बोटीमध्ये आहेत.

या प्रकरणी नवी दिल्लीतून एका व्यक्तीला अटक करण्यात आली आहे. १०० ते २०० नागरिक या बोटीमध्ये असावेत. यात महिला आणि लहान मुलांचाही समावेश आहे. स्थलातरितांनी मागे सोडलेल्या ७० बॅगा पोलिसांना सापडल्या आहेत. यात २० ओळखपत्रे आहेत असे अधिकारी व्ही.जी.रविंद्रन यांनी सांगितले. या बॅगांमध्ये कपडे आणि वस्तू भरलेल्या आहेत.

कुठल्या तरी लांबच्या प्रवासाच्या तयारीत असावेत असे या बॅगांवरुन दिसते. सध्या ही नौका आणि त्यावरील लोकांचा ठावठिकाणा लागत नसून तटरक्षक दलासह अनेक भारतीय यंत्रणा या नौकेला शोधण्याचा प्रयत्न करत आहेत. न्यूझीलंडपर्यंत पोहोचण्यासाठी या स्थलांतरीतांना ७ हजार मैलाचा खडतर समुद्री प्रवास करावा लागणार आहे. इंडोनेशिया, ऑस्ट्रेलियाच्या समुद्रात वादळे सामान्य बाब आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 22, 2019 7:18 am

Web Title: missing boat carrying 100 200 indians could be on way to new zealand
Next Stories
1 …तर भारतातून अन्य देशांना होईल F-16 फायटर विमानांची निर्यात
2 लोकसभा निवडणुकीत भाजपपुढे कुठलेही आव्हान नाही – राजनाथ सिंह
3 साधना सिंह यांच्या वक्तव्याचे आणखी एका आमदाराकडून समर्थन
Just Now!
X