News Flash

लडाखमधील स्थितीवर राजनाथसिंह यांची पवार, अ‍ॅण्टनी यांच्याशी चर्चा

पूर्व लडाखमधील भारताच्या लष्करी सज्जतेबाबत राजनाथसिंह यांनी दोघा माजी संरक्षणमंत्र्यांना सविस्तर माहिती दिली.

प्रतिनिधिक छायाचित्र

संरक्षणमंत्री राजनाथसिंह यांनी शुक्रवारी राष्ट्रवादी काँग्रेसचे नेते शरद पवार आणि काँग्रेसचे नेते ए. के. अ‍ॅण्टनी यांची भेट घेऊन त्यांना पूर्व लडाखमधील स्थितीबाबत अवगत केले, असे या घडामोडींशी संबंधित सूत्रांनी सांगितले.

पूर्व लडाखमधील भारताच्या लष्करी सज्जतेबाबत राजनाथसिंह यांनी दोघा माजी संरक्षणमंत्र्यांना सविस्तर माहिती दिली. या वेळी संरक्षण दलांचे प्रमुख जन. बिपिन रावत आणि लष्करप्रमुख जन. मनोज नरवणे हेही उपस्थित होते. संसदेचे पावसाळी अधिवेशन १९ जुलैपासून सुरू होत असून त्यापूर्वी विरोधी पक्षांशी संपर्क साधण्याचा संरक्षणमंत्र्यांचा हा प्रयत्न आहे, अशी चर्चा आहे. तथापि, या बैठकीबाबत कोणतेही अधिकृत भाष्य करण्यात आलेले नाही.

त्यापूर्वी राज्यसभेतील सभागृह नेते पीयूष गोयल यांनी माजी पंतप्रधान डॉ. मनमोहनसिंग आणि पवार यांची भेट घेतली. चीनसमवेत सीमेवरील तणावाचा मुद्दा संसदेत उपस्थित करण्यात येणार असल्याचे काँग्रेसने यापूर्वीच सूचित केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 17, 2021 12:55 am

Web Title: ncp bjp rajnath singh discusses the situation in ladakh with pawar and achantani akp 94
Next Stories
1 नवज्योतसिंग सिद्धू यांच्यावर प्रदेशाध्यक्षपदाची जबाबदारी?
2 ‘एलईटी’चे २ दहशतवादी ठार
3 जगभरातच तिसऱ्या लाटेचा धोका
Just Now!
X