News Flash

Ness Wadia : ड्रग्ज बाळगल्याप्रकरणी नेस वाडिया यांना जपानमध्ये दोन वर्षांची शिक्षा

नेस वाडिया यांच्याकडे २५ ग्रॅम ड्रग्ज सापडले होते

Ness Wadia : २८३ वर्ष जुन्या वाडिया ग्रुपचे वारसदार असणारे नेस वाडिया यांना ड्रग्ज बाळगल्याप्रकरणी जपानमध्ये दोन वर्षांच्या कारावासाची शिक्षा सुनावण्यात आली आहे. नेस वाडिया यांना मार्च महिन्यात होक्काइडो आयर्लंडच्या एका विमानतळावरुन अटक करण्यात आली होती. त्यांच्याजवळ २५ ग्रॅम ड्रग्ज सापडले होते. याप्रकरणी न्यायालयाने त्यांना दोन वर्षांच्या कारावासाची शिक्षा सुनावली आहे. दरम्यान ही शिक्षा पाच वर्षांसाठी सस्पेंड राहणार आहे. यादरम्यान जर नेस वाडिया जपानमध्ये इतर कोणतं बेकायदेशीर कृत्य करताना आढळले तर त्यांची जेलमध्ये रवानगी करण्यात येणार आहे.

स्थानिक ब्रॉडकास्टर एनएचकेने दिलेल्या वृत्तानुसार, स्निफर डॉगने दिलेल्या अलर्टनंतर विमानतळावरील कस्टम अधिकाऱ्यांनी नेस वाडिया यांची तपासणी केली असता त्यांच्याकडे २५ ग्रॅम ड्रग्ज आढळले होते.

मिळालेल्या रिपोर्ट्सनुसार, नेस वाडिया यांना २० मार्चच्या आधी जपान पोलिसांनी ताब्यात घेतलं होतं. त्यानंतर जामीनावर सुटून ते भारतात परतले होते. खासगी वापरासाठी आपण ड्रग्ज बाळगल्याची कबुली त्यांनी दिली होती. २०२२ मध्ये टोकियोत ऑलिम्पिक्स पार पडणार आहे. याशिवाय यावर्षी रग्बी वर्ल्ड कप पार पडणार आहे. या पार्श्वभुमीवर जपानमध्ये अंमली पदार्थ विरोधी कायद्याची कठोरपणे अंमलबजावणी केली जात आहे.

नेस वाडिया आयपीएल संघ किंग्ज इलेव्हन पंजाबचे सहमालक आहेत. बॉलिवूड अभिनेत्री प्रिती झिंटाबोसत असलेल्या प्रेमसंबंधांमुळेही ते चर्चेत आले होते. २०१४ रोजी प्रिती झिंटाने नेस वाडिया यांच्याविरोधात छळ केल्याचा आरोप केला होता. पण नंतर तिने तक्रार मागे घेतली होती.

वाडिया देशातील श्रीमंत कुटुंबांपैकी एक आहे. वाडिया समूहात बॉम्बे डाईंग, ब्रिटानिया, गो एअर विमान यांच्यासहित अन्य काही कंपन्यांचा समावेश असून वाडिया कुटुंबाची संपत्ती सातशे कोटी रुपयांच्या घरात आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 30, 2019 1:00 pm

Web Title: ness wadia found with drugs sentenced in japan
टॅग : Ness Wadia
Next Stories
1 भयंकर! ८ वर्षाच्या चिमुरड्याने नाल्यात बुडवून दीड वर्षाच्या बाळाची केली हत्या
2 पुजाऱ्याने १०० वर्षांपूर्वी चोरलेली मुर्ती नातवाने शाप लागेल या भीतीने केली परत
3 …म्हणून रशियापेक्षा संरक्षणावर जास्त खर्च करुनही भारताकडे शस्त्रास्त्रांची कमतरता
Just Now!
X