जम्मू-काश्मीरमधील पूंछ विभागातील हामीरपूर आणि बालाकोटमधील सीमेवर पाकिस्तानी सैन्याने जोरदार गोळीबार केला. त्याचबरोबर मानकोट आणि मेंधारमधील नागरी भागामध्येही सीमेपलीकडून जोरदार गोळाबार करण्यात आल्याचे लष्कराच्या अधिकाऱयांनी सांगितले.रविवारी रात्रीपासून पूंछमधील हामीरपूर आणि बालाकोट भागातील सीमेवर आणि नियंत्रण रेषेजवळ पाकिस्तानी सैन्याकडून सातत्याने गोळीबार करण्यात येतो आहे, असे लष्कराचे प्रवक्ते एस. एन. आचार्य यांनी सांगितले. पाकिस्तानकडून स्वयंचलित शस्त्रास्त्रांच्या साह्याने भारतीय छावण्यांवर गोळीबार करण्यात येतो आहे. त्याला भारतीय लष्कराच्या जवानांनी चोख प्रत्युत्तर दिले आहे. रात्रभर पाकिस्तानकडून गोळीबार सुरू होता आणि त्याला प्रत्युत्तर देण्यात येत होते, असे आचार्य म्हणाले.
