30 September 2020

News Flash

शमशूल वकारच्या सुटकेसाठी सागरी मार्गाने भारतावर दहशतवादी हल्ला करण्याचा कट

घुसखोरी करण्यात सतत अपयश येत असल्यामुळे सागरी मार्गाने आक्रमण करण्याची तयारी सुरू केली आहे.

( संग्रहीत प्रतिकात्मक छायाचित्र )

अनंतनाग तुरूंगात कैद असलेल्या शमशूल वकारला सोडवण्यासाठी पाकिस्तानचे दहशतवादी सागरी मार्गाने भारतावर हल्ला करण्याच्या तयारीत आहेत. नवभारत टाइम्सने गुप्तचर यंत्रणेच्या हवाल्याने याबाबतचे वृत्त दिले आहे. गुप्तचर यंत्रणेला मिळेलेल्या माहितीनुसार, सीमारेषेवर दहशतवाद्यांना घुसखोरी करण्यात सतत अपयश येत असल्यामुळे सागरी मार्गाने आक्रमण करण्याची तयारी सुरू केली आहे. त्याची तयारी म्हणून पाकिस्तानची गुप्तचर यंत्रणा आयएसआय दहशतवाद्यांना पोहण्याचे प्रशिक्षण देत आहे. याबरोबरच सीमारेषेवर तैनात असलेल्या भारतीय लष्करावर दहशतवादी आयईडी ब्लास्ट करू शकतात अशी माहिती भारतीय गुप्तचर यंत्रणेला मिळाली आहे.

सुत्रांनी दिलेल्या माहितीच्या आधारावर गुप्तचर यंत्रणाने सावधानतेचा इशारा दिला आहे. सागरी मार्गाने दहशतवादी भारतावर हल्ला करण्याच्या तयारीत आहेत. अनंतनाग तुरुंगात कैद असलेल्या शमशूल वकारला या दहशतवाद्याला सोडवण्यासाठी पाकिस्तानने योजना आखली आहे.

सागरी किनाऱ्यावर पाकिस्तानी नौदल दहशतवादी आणि घुसखोरांना प्रशिक्षण देत आहे. त्यांच्याकडून नवीन तंत्रज्ञान कसे वापरावे याचा अभ्यास करून घेतला जात आहे. गुप्तचर यंत्रणेनुसार, दहशतवादी भारताच्या कार्गो शिप, इंडियन पोस्ट आणि ऑईल टँकर्सला लक्ष्य करू शकते. सागरी मार्गाने हल्ल्यासाठी पाकिस्तान भारतीय मासेमारी नौकांचा वापर करणार आहे. भारतीय गुप्तचर यंत्रणेने गुजरात एसआयबी, पोलीस, गृह मंत्रालय, लष्कर आणि बीएसएफला सतर्कतेचा इशारा देण्यात आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 25, 2018 7:53 am

Web Title: pakistan training terrorists can attack from sea side
Next Stories
1 Khashoggi Murder Case: सौदीचे राजपुत्र मोहम्मद बिन सलमान यांनी अखेर मौन सोडले
2 राफेल घोटाळ्याप्रकरणी गुन्हा दाखल करा; यशवंत सिन्हांची सुप्रीम कोर्टात याचिका
3 अमेरिकेत राजकीय हिंसेला थारा नाही: राष्ट्राध्यक्ष डोनाल्ड ट्रम्प
Just Now!
X