शहरातील हॉटेलमध्ये चार युवकांनी एका १७ वर्षीय अल्पवयीन मुलीवर सामूहिक बलात्कार केल्याची घटना घडली असल्याचे पोलिसांनी सांगितले. आपल्या प्रियकराने आणि त्याच्या तीन मित्रांनी अन्य दोघांच्या सहकार्याने सामूहिक बलात्कार केल्याची तक्रार पीडित मुलीने शुक्रवारी मणिनगर पोलीस ठाण्यात नोंदविली, असे पोलिसांनी सांगितले. याप्रकरणी आम्ही पाच जणांना अटक केली असून सहावा आरोपी फरारी आहे. सदर मुलगी २६ जुलैपासून बेपत्ता होती. त्यामुळे तिच्या वडिलांनी पोलिसांकडे अपहरणाची तक्रार नोंदविली.सदर मुलगी शुक्रवारी पोलीस ठाण्यात आली आणि तिने प्रियकराविरुद्ध तक्रार नोंदविली प्रियकराने आपल्याला कागदपीठ परिसरातील एका हॉटेलवर नेले आणि आपल्यावर बलात्कार केला. त्यानंतर त्याने आपल्या पाच मित्रांना बोलाविले त्यापैकी तिघांनी आपल्यावर बलात्कार केला तर अन्य दोघांनी त्यासाठी मदत केली, असे या मुलीने तक्रारीत म्हटले आहे.
