News Flash

रेल्वेच्या ३९ लाख तिकिटांची नोंदणी रद्द, परतावा मिळणार

३ मे पर्यंत वाढवल्याने प्रवासी रेल्वे सेवा बंद राहणार आहे.

संग्रहित छायाचित्र

टाळेबंदी २.० मुळे रेल्वेची १५ एप्रिल ते ३ मे दरम्यानच्या प्रवासासाठी नोंदण्यात आलेली ३९ लाख तिकिटे रद्द करण्यात येत आहेत, असे सूत्रांनी सांगितले. पंतप्रधान नरेंद्र मोदी यांनी टाळेबंदीची मुदत ३ मे पर्यंत वाढवल्याने प्रवासी रेल्वे सेवा बंद राहणार आहे.

१४ एप्रिलनंतर रेल्वे सेवा पुन्हा सुरू होईल या अंदाजाने लोकांनी मूळ गावी जाण्यासाठी रेल्वे तिकिटांची नोंदणी केली होती. पण टाळेबंदी २१ दिवसांच्या पहिल्या टप्प्यानंतरही वाढल्याने या नोंदणी केलेल्या प्रवाशांना तिकिटे रद्द करणे क्रमप्राप्त झाले आहे. एकूण ३९ लाख तिकिटे रद्द करण्याची वेळ आता आली आहे. जर टाळेबंदी वाढण्याची शक्यता होती तर रेल्वेने तिकीट बुकिंग म्हणजे नोंदणी चालू का ठेवली असा प्रश्न यामुळे निर्माण झाला आहे.

भारतीय रेल्वेने म्हटले आहे, की प्रवाशांना तिकिटाचे पैसे परत दिले जाणार असून ज्यांनी ऑनलाइन तिकिटे काढली त्यांना पैसे लगेच परत मिळतील. ज्यांनी तिकिट खिडकीवर जाऊन तिकिटे काढली, त्यांना ३१ जुलैपर्यंत पैसे परत घेता येतील. अजून ज्या गाडय़ा रद्द केलेल्या नाहीत पण त्याची तिकिटे लोकांनी काढली असतील ती रद्द केल्यास परतावा मिळणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 16, 2020 12:31 am

Web Title: registration of 39 lakh tickets will be canceled and refunded abn 97
Next Stories
1 भारतातील वटवाघळांच्या दोन प्रजातीत करोना विषाणू
2 सहा भारतीय अमेरिकी व्यक्तींचा समावेश
3 सोशल डिस्टन्सिंगची ऐशीतैशी; मुंबईनंतर दिल्लीतही हजारो मजूर रस्त्यावर
Just Now!
X