अभिनेता सुशांत सिंह राजपूत मृत्यूप्रकरणी कथित प्रेयसी रिया चक्रवर्ती हिची शुक्रवारी ८ तास कसून चौकशी करण्यात आली. परंतु, रिया चौकशीदरम्यान योग्य सहकार्य करत नसल्याचं सांगण्यात येत होतं. या प्रकरणी रियाच्या वकिलांनी सतीश मानशिंदे यांनी नाराजी व्यक्त केली आहे. रियाने कोणतीच गोष्ट लपवली नाही असं रियाच्या वकिलांचं म्हणणं असल्याचं 'पिंकव्हिला'च्या वृत्तात नमूद करण्यात आलं आहे. "रिया, तिचे वडील आणि भाऊ या तिघांचाही जबाब नोंदविला गेला आहे. त्यांनी सगळी कागदपत्रेदेखील दाखविली आहेत. या कागदपत्रांमध्ये आयटी रिटर्न्सचा रेकॉर्डदेखील होता. तसंच पोलीस चौकशी असतो किंवा ईडीने केलेली चौकशी रियाने पूर्णपणे सहकार्य केलं आहे. तिने कोणतीही गोष्ट लपवलेली नाही. लपवून ठेवावं असं तिच्याकडे काहीच नाही. जर तिला परत चौकशीसाठी बोलवण्यात आलं तर ती तेव्हादेखील जाईल", असं वकिलांनी सांगितलं. आणखी वाचा- सुशांत सिंह मृत्यू प्रकरण : वर्षभरात रियाने महेश भट्ट यांना तब्बल इतक्या वेळा केला फोन दरम्यान, या चौकशीमध्ये अनेक गोष्टींचा खुलासा झाला आहे. रियाने मुंबईत खरेदी केलेल्या फ्लॅटविषयी आणि महेश भट्ट यांनी केलेल्या फोन कॉल्सविषयी बऱ्याच गोष्टी या चौकशीदरम्यान समोर आल्याचं पाहायला मिळालं.
