News Flash

लष्कर -ए -तय्यबा व जैश विरोधात अमेरिका-भारत यांचे सहकार्य

जैश ए महंमद या दहशतवादी संघटनांच्या विरोधात अमेरिका व भारत यांचे सहकार्य वाढवले जाणार आहे

| March 10, 2016 12:48 am

परराष्ट्र सचिव जयशंकर यांची माहिती
लष्कर-ए-तय्यबा व जैश ए महंमद या दहशतवादी संघटनांच्या विरोधात अमेरिका व भारत यांचे सहकार्य वाढवले जाणार आहे, असे परराष्ट्र सचिव जयशंकर यांनी सांगितले.
पंतप्रधान नरेंद्र मोदी या महिन्यात अमेरिका दौऱ्यावर जाणार असून त्याच्या पूर्वतयारीसाठी परराष्ट्र सचिव जयशंकर अमेरिका दौऱ्यावर गेले आहेत. त्यांनी सांगितले की, या दोन दहशतवादी संघटनांच्या विरोधात दोन्ही देश एकत्रित काम करणार आहेत. परराष्ट्र सचिव एस. जयशंकर यांनी अमेरिकेच्या राष्ट्रीय सुरक्षा सल्लागार सुसान राइस यांची भेट घेतली, त्यात दोन्ही देशांनी या दहशतवादी संघटनांविरोधात एकत्रित काम करणार असल्याचे म्हटले आहे. राष्ट्रीय सुरक्षा मंडळाचे प्रवक्ते नेड प्राइस यांनी सांगितले की, राइस व जयशंकर यांच्यात आगामी अणुसुरक्षा बैठकीच्या संदर्भात चर्चा झाली. हवामान बदल व द्विपक्षीय सहकार्य हे विषयही चर्चेला होते. दोन्ही देशांच्या नेत्यांची चर्चा होणार असून त्यात एकविसाव्या शतकाच्या दृष्टिकोनातून संबंधांना नवे परिमाण देणे गरजेचे आहे.जयशंकर यांनी काल व्यापार, परराष्ट्र खात्याच्या अधिकाऱ्यांशी चर्चा केली. पंतप्रधान मोदी हे या महिन्यात अणु सुरक्षा शिखर बैठकीसाठी अमेरिकेला जात असून त्यांची अध्यक्ष बराक ओबामा यांच्याशी भेट होणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 10, 2016 12:48 am

Web Title: s jaishankar discusses cooperation against terror groups with us
Next Stories
1 जॉर्ज मार्टिन यांचे निधन
2 ‘एमक्यूएम’च्या ‘रॉ’शी संबंधांच्या आरोपांची पाकिस्तानकडून चौकशी
3 ‘आर्ट ऑफ लिव्हिंग’ला पाच कोटींचा दंड
Just Now!
X