News Flash

चिदंबरम यांच्या पत्नीची शारदा चिटफंड घोटाळा प्रकरणी चौकशी

माजी अर्थमंत्री आणि काँग्रेसचे दिग्गज नेते पी. चिदंबरम यांच्या पत्नी नलिनी चिदंबरम यांची शारदा चिट फंड घोटाळा प्रकरणी सीबीआयने चौकशी केली आहे.

| September 21, 2014 06:10 am

 माजी अर्थमंत्री आणि काँग्रेसचे दिग्गज नेते पी. चिदंबरम यांच्या पत्नी नलिनी चिदंबरम यांची शारदा चिट फंड घोटाळा प्रकरणी सीबीआयने चौकशी केली आहे. सर्वोच्च न्यायालयामधील वकिली करत असलेल्या नलिनी यांची शनिवारी शारदा उद्योगसमूहातर्फे त्यांना देण्यात आलेल्या कायदेशीर मानधनासंदर्भात ही चौकशी करण्यात आली.
पश्चिम बंगालमधील शारदा ग्रुपचे अध्यक्ष सुदिप्त सेन यांनी दावा केला होता, की त्यांनी काँग्रेस नेते मतंगसिंह यांची घटस्फोटीत पत्नी मनोरंजना सिंह यांच्या सांगण्यावरुन नलिनी चिदंबरम यांना न्यायालयात बाजू मांडण्यासाठी नियुक्त करण्यात आले होते. याशिवाय, सेन यांनी शारदाकडून नलिनी यांना कायदेशीर मानधन म्हणून १ कोटी रुपये दिले गेल्याचाही उल्लेख सीबीआयला गेल्या वर्षी लिहिलेल्या पत्रामध्ये केला होता.  दरम्यान, नलिनी चिदंबरम यांच्या कार्यालयाने सीबीआयमार्फत त्यांची चौकशी झाल्याचे वृत्त फेटाळून लावले आहे. सीबीआयने केवळ शारदाने ईशान्य भारतामधील एक वृत्तवाहिनी विकत घेण्यासंदर्भातील कायदेशीर सल्लामसलत असणारा ७० पानी अहवाल कार्यालयामधून मिळवला असल्याचा दावा चिदंबरम यांच्यातर्फे करण्यात आला आहे

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 21, 2014 6:10 am

Web Title: saradha scam nalini chidambaram examined by cbi
टॅग : Cbi Probe
Next Stories
1 चीनची पुन्हा घुसखोरी
2 संपूर्ण काश्मीर ताब्यात घेऊ
3 आलोक यांच्यावर ‘टाइम’ची मोहोर
Just Now!
X